ഓഹരി വിപണി കൂപ്പു കുത്തി

മുംബൈ: ബജറ്റ് ദിനത്തിൽ തുറന്ന് പ്രവർത്തിച്ചെങ്കിലും ഓഹരി വിപണി കൂപ്പു കുത്തി. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 987.96 പോയിൻറുകൾ ഇടിഞ്ഞ് 39,735.53 എന്ന നിലവാരത്തിൽ വ്യാപാരം അവസാനിപ്പിച്ചു. നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 373.85 പോയിൻറുകൾ ഇടിഞ്ഞ് 11,661.85 എന്ന നിലവാരത്തിലാണ് വ്യാപാരം അവസാനിപ്പിച്ചിരിക്കുന്നത്.

Also Read: കേന്ദ്ര ബജറ്റ് ഒറ്റ നോട്ടത്തിൽ

റിയൽ എസ്റ്റേറ്റ് മേഖല, വാഹന വിപണി തുടങ്ങി നി‍ര്‍ണായകമായ മേഖലകളിലെ ഉപഭോഗം വ‍ര്‍ധിപ്പിക്കാൻ വേണ്ട നടപടികൾ ഇല്ലാത്തത് വിപണിയെ നിരാശപ്പെടുത്തി. ആദായ നികുതി 80 സി പ്രകാരമുള്ള ഇളവുകൾ ഒഴിവാക്കിയതും പുതിയതോ പഴയതോ ആയ ടാക്സ് സ്ലാബ് തെരഞ്ഞെടുക്കാൻ നികുതിദായക‍ര്‍ക്ക് ഓപ്ഷൻ നൽകിയതും ആദായ നികുതി സമർപ്പണത്തിലും സങ്കീർണതകൾ കൊണ്ടു വരും എന്നതാണ് വിപണിയിലെ നിരീക്ഷണം.
പൊതുമേഖലാസ്ഥാപനങ്ങളുടെ ഓഹരി വിൽപ്പനയിലൂടെ സമാഹരിയ്ക്കാൻ ഉദ്ദേശിയ്ക്കുന്ന തുക താരതമ്യേന കൂടുതലാണ് എന്നതും വിപണിയെ ഉലച്ചു.