കൊറോണയിൽ തക‍ര്‍ന്നടിഞ്ഞ് ഓഹരി വിപണി; സെൻസെക്സ് കൂപ്പു കുത്തി

മുംബൈ: കൊറോണ വൈറസ് ബാധ സൃഷ്ടിച്ച ആശങ്ക ആഗോള ഓഹരി സൂചികകളെ ബാധിച്ചത്തിനൊപ്പം തക‍ന്നടിഞ്ഞ് ഇന്ത്യൻ ഓഹരി വിപണിയും. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 1094.80 പോയിൻറുകൾ ഇടിഞ്ഞു. 38,654.47 എന്ന നിലവാരത്തിലാണ് ( രാവില 10.15) വ്യാപാരം നടക്കുന്നത്.

Also Read: കൊറോണ വൈറസ് ലോകത്ത് നിന്ന് ഒരു ലക്ഷം കോടി ഡോള‍റിലേറെ തുടച്ചു നീക്കും

നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 334.05 പോയിൻറുകൾ ഇടിഞ്ഞിട്ടുണ്ട്. 11,295.15 എന്ന നിലവാരത്തിലാണ് തുടക്കത്തിൽ വ്യാപാരം. കൊറോണ വൈറസ് ബാധ യൂറോപ്യൻ രാജ്യങ്ങളിലേക്കുൾപ്പെടെ പടരുന്നത് സൃഷ്ടിച്ച ആശങ്കയിൽ ആയിരുന്നു ഓഹരി വിപണി. ഇത് നിക്ഷേപക‍ര്‍ക്കിടയിൽ സൃഷ്ടിച്ച അനിശ്ചിതത്വം ആണ് പ്രധാനമായും വിപണിയെ ബാധിച്ചത്. അമേരിക്കൻ വിപണിയും ഏറ്റവും വലിയ ഇടിവ് നേരിടുകയാണ്.

സെൻസെക്സ് 1000ത്തിലധികം പോയിൻറിലേക്ക് താഴ്ന്നതോടെ നിക്ഷേപകർക്ക് മിനിറ്റുകൾകൊണ്ട് അഞ്ച് ലക്ഷം കോടി രൂപയോളം നഷ്ടമായി. ടിസിഎസ്, റിലയൻസ് ഇൻഡസ്ട്രീസ്, എച്ച്ഡിഎഫ്സി തുടങ്ങിയവയുടെ എല്ലാം ഓഹരികൾ നഷ്ടത്തിലാണ്.