ഓഹരിവിപണിയ്ക്ക് റെക്കോര്‍ഡ് നേട്ടത്തോടെ തുടക്കം

മുംബൈ: മാര്‍ക്കറ്റ് ഓപ്പണിങ്ങിലെ തുടര്‍ച്ചയായ ഇടിവിന് ശേഷം ഓഹരിവിപണിയ്ക്ക് റെക്കോര്‍ഡ് നേട്ടത്തോടെ തുടക്കമായി. സെൻസെക്സ് 10.63 പോയിന്‍റ് ഉയര്‍ന്ന് 33,950.93ലെത്തി. നിഫ്റ്റി 4.6 പോയിന്‍റ് ഉയര്‍ന്ന് 10,497.60ലുമെത്തി. ഇന്നലെ സെൻസെക്സ് ക്ലോസ് ചെയ്തതും റെക്കോര്‍ഡ് നേട്ടത്തിലായിരുന്നു.

ഓഎൻജിസി, വിപ്രോ, ടാറ്റാ സ്റ്റീൽസ്, ഏഷ്യൻ പെയിൻ്റ്സ്, ടിസിഎസ് എന്നീ കമ്പനികൾ നേട്ടം കൊയ്തപ്പോൾ ഐസിഐസിഐ ബാങ്ക്, എസ്ബിഐ, ഇൻഫോസിസ്, എംആന്‍റ്എം, കോൾ ഇന്ത്യ എന്നീ കമ്പനികൾ നഷ്ടം നേരിട്ടു.