ഓഹരി സൂചികകള്‍ വൻ നേട്ടത്തിൽ ക്ളോസ് ചെയ്തു

മുംബൈ: ആഗോള വിപണിയിലുണ്ടായ മുന്നേറ്റം ആഭ്യന്തര വിപണിയിലും അലയടിച്ചു. ഓഹരി സൂചികകള്‍ നേട്ടത്തിൽ ക്ലോസ് ചെയ്തു.

സെന്‍സെക്‌സ് 440.35 പോയന്‍റ് നേട്ടത്തില്‍ 28343.01ലും നിഫ്റ്റി 136.90 പോയന്‍റ് ഉയര്‍ന്ന് 8744.35ലുമാണ് വ്യാപാരം അവസാനിപ്പിച്ചത്.

ബജാജ് ഓട്ടോ, മാരുതി, ഏഷ്യന്‍ പെയിന്‍റ്‍സ്, ഹിന്‍ഡാല്‍കോ, എച്ച്ഡിഎഫ്‌സി ബാങ്ക്, വിപ്രോ, ഐസിഐസിഐ ബാങ്ക് എന്നിവ നേട്ടത്തിലും ഭാരതി എയർടെൽ,ഐഡിയ,ഭേൽ തുടങ്ങിയ കമ്പനികൾ നഷ്ടത്തിലുമാണ് ക്ലോസെ ചെയ്തത്.

52 ആഴ്‍ച്ചക്കിടെ ഉണ്ടായ ഏറ്റവും വലിയ ഉയരത്തിലാണ് സെൻസെസ് ക്ലോസ് ചെയ്തത്. ബാങ്കിങ്, ഓട്ടോ,ഓയിൽ ആൻഡ് ഗ്യാസ്,ഫാർമ എന്നീ വിഭാഗങ്ങളിലെ ഓഹരികൾ നേട്ടമുണ്ടാക്കി. ബി എസ് ഇയിൽ 1628 കമ്പനികൾ നേട്ടത്തിലും 1076 കമ്പനികൾ നഷ്ടത്തിലുമായിരുന്നു.