ഓഹരി വിപണിയിൽ കുതിപ്പ്; സെൻസെക്സ് റെക്കോഡിലേക്ക്

മുംബൈ: ഓഹരി വിപണിയിൽ കുതിപ്പ്. വ്യാപാരത്തിൻറെ ഇടയിൽ മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 400 പോയിൻറുകൾ കടന്നിരുന്നു. നിലവിൽ 386.97 പോയിൻറുകൾ ഉയർന്ന് 40,968.68 എന്ന നിലവാരത്തിലാണ് വ്യാപാരം. നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 99.30 പോയിൻറുകൾ ഉയർന്ന് 12,071.10 എന്ന നിലവാരത്തിൽ വ്യാപാരം പുരോഗമിയ്ക്കുകയാണ്.

സ്വർണ വില കുറഞ്ഞു; ഇന്നത്തെ സ്വർണ വില അറിയാം

വേദാന്ത, ടാറ്റ സ്റ്റീൽ, യെസ് ബാങ്ക്, എസ്ബിഐ എന്നിവ നേട്ടം ഉണ്ടാക്കിയ ഓഹരികളിൽ പെടുന്നു. എച്ച്ഡിഎഫ്സി ഓഹരികൾ രണ്ടു ശതമാനം ഉയർന്ന് മികച്ച നിലവാരത്തിൽ വ്യാപാരം പുരോഗമിയ്ക്കുകയാണ്. അതേസമയം ഭാരതി എയര്‍ടെൽ ഓഹരികൾ നഷ്ടത്തിലാണ്.

17 മാസം നീണ്ടു നിന്ന വ്യാപാര യുദ്ധം അവസാനിപ്പിക്കാൻ അമേരിക്കയും ചൈനയും തയ്യാറെടുക്കുന്ന റിപ്പോ‍ര്‍ട്ടുകൾ പൊതുവേ ഓഹരി വിപണിയ്ക്ക് കരുത്ത് പകര്‍ന്നു. ആഗോള ഓഹരി വിപണിയിലെ ഉണർവ് ഏഷ്യൻ ഓഹരികളിൽ എല്ലാം തന്നെ പ്രകടമാണ്.