കരകയറാനാകാതെ ഓഹരി വിപണി; നഷ്ടത്തിൽ വ്യാപാരം അവസാനിപ്പിച്ചു

മുംബൈ: ഓഹരി വിപണിയിൽ തകർച്ച. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 1,709.58 പോയിൻറുകൾ ഇടിഞ്ഞ് 28,869.51 എന്ന നിലവാരത്തിലാണ് വ്യാപാരം അവസാനിച്ചത്. നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 498.25 പോയിൻറുകൾ ഇടിഞ്ഞ് 8,468.80 എന്ന നിലവാരത്തിലാണ് വ്യാപാരം അവസാനിപ്പിച്ചത്.

കൊറോണ വൈറസ് ബാധ സൃഷ്ടിച്ച ആശങ്കകളെ തുടർന്ന് നിക്ഷേപകർ വൻതോതിൽ നിക്ഷേപങ്ങൾ വിറ്റഴിയ്ക്കുന്നതാണ് ഓഹരി വിപണിയെ പ്രതിസന്ധിയിലാക്കിയത്. മൂന്ന് വർഷത്തെ ഏറ്റവും താഴ്ന്ന നിലയിലാണ് ഓഹരി വിപണി വ്യാപാരം അവസാനിപ്പിച്ചിരിക്കുന്നത്.

Also Read: മാർച്ച് 27-ന് ദേശീയ ബാങ്ക് പണിമുടക്ക്

2003-നു ശേഷമുള്ള ഏറ്റവും കുറഞ്ഞ നിരക്കിലാണ് ക്രൂഡ് ഓയിൽ വ്യാപാരം നടക്കുന്നത്. ബാങ്കിങ്, ഹോസ്പിറ്റാലിറ്റി ഓഹരികൾ നഷ്ടത്തിലായി. ഇൻഡസ് ഇൻഡ് ബാങ്ക് ഓഹരികൾ 10 ശതമാനത്തോളം ആണ് ഇടിഞ്ഞത്. ആഗോള വിപണിയും നഷ്ടത്തിലാണ്. ഡൌ ജോൺസ് ഉൾപ്പെടെയുള്ള സൂചികകളിൽ ഈ ആഴ്ച്ച നഷ്ടം തുടരുമെന്നാണ് സൂചന.