സൂചികകളിൽ കുതിപ്പ്; നിഫ്റ്റി 11,500ന് മുകളിൽ എത്തി

മുംബൈ: വ്യാപാര വാരത്തിൻ്റെ ആദ്യ ദിനം സൂചികകളിൽ കുതിപ്പ്. സെന്‍സെക്‌സ് 272 പോയിന്‍റ് നേട്ടത്തില്‍ 38220ലെത്തിയപ്പോൾ നിഫ്റ്റി 66 പോയിൻ്റ് ഉയര്‍ന്ന് 11537ലുമെത്തി. ചരിത്രത്തിൽ ആദ്യമായാണ് നിഫ്റ്റി 11,500 കടക്കുന്നത്. ബിഎസ്ഇയിലെ 1280 കമ്പനികളുടെ ഓഹരികള്‍ നേട്ടം കൊയ്തപ്പോൾ 586 ഓഹരികള്‍ നഷ്ടം നേരിട്ടു. ഇന്‍ഫോസിസ്, ടെക് മഹീന്ദ്ര, ഐടിസി, എച്ച്‌സിഎല്‍ ടെക്, ലുപിന്‍, ടിസിഎസ്, ആക്‌സിസ് ബാങ്ക്, ഏഷ്യന്‍ പെയിൻ്റ്സ് തുടങ്ങിയ ഓഹരികളാണ് നഷ്ടം നേരിട്ടത്.

ഹിന്ദുസ്ഥാന്‍ യുണിലിവര്‍, എല്‍ആൻ്റ്, ഒഎന്‍ജിസി, ടാറ്റ മോട്ടോഴ്‌സ്, കോള്‍ ഇന്ത്യ, ഹീറോ മോട്ടോര്‍കോര്‍പ്, എസ്ബിഐ, ടാറ്റ സ്റ്റീല്‍, ഡോ.റെഡ്ഡീസ് ലാബ്, എച്ച്ഡിഎഫ്‌സി, വിപ്രോ തുടങ്ങിയ ഓഹരികള്‍ നേട്ടം കൊയ്തു. ഡോളറിനെതിരെ രൂപ കരുത്താര്‍ജിച്ചതും യുഎസ്-ചൈന വ്യാപാര യുദ്ധം സംബന്ധിച്ച ആശങ്കകള്‍ താല്‍ക്കാലികമായി അകന്നതും ഓഹരി വിപണിക്ക് കരുത്തായി.