ഓഹരി വിപണിയില്‍ ഉണര്‍വ്വ്; നിക്ഷേപകരുടെ സമ്പാദ്യത്തില്‍ 2.11 ലക്ഷം കോടി രൂപയുടെ വര്‍ധന

സാമ്പത്തിക വളര്‍ച്ചയെ ഉത്തേജിപ്പിക്കുന്നതിന്‍റെ ഭാഗമായി കമ്പനികളുടെ കോര്‍പ്പറേറ്റ് നികുതി കുറച്ചത് ഓഹരി വിപണിയില്‍ പ്രതിഫലിച്ചു.മുംബൈ സ്റ്റോക്ക് എക്സ്ചേഞ്ച് സൂചികയായ സെന്‍സെക്സ് 1761 പോയിന്‍റിനടുത്തും നാഷണല്‍ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 516 പോയിന്‍റും ഉയര്‍ന്നു.

എച്ച്.ഡി.എഫ്.സി ബാങ്ക് , റിലയന്‍സ്, ഇന്‍ഫോസിസ്, കോട്ടക് മഹീന്ദ്ര തുടങ്ങിയ കമ്പനികളാണ് പ്രധാനമായും നേട്ടമുണ്ടാക്കിയത്. പ്രഖ്യാപനം വന്നതിനു തൊട്ടു പിന്നാലെ നിക്ഷേപകരുടെ സമ്പാദ്യത്തില്‍ 2.11 ലക്ഷം കോടി രൂപയുടെ വര്‍ധനയാണ് ഉണ്ടായത്. ബി.എസ്.ഇ ലിസ്റ്റഡ് കമ്പനികളുടെ വിപണി മൂല്യം 2,11,086 കോടി രൂപയില്‍ നിന്ന് 1,40, 79 839 കോടി രൂപയായി ഉയര്‍ന്നു.