ആറ് ഇന്ത്യൻ കമ്പനികൾ ചേര്‍ന്ന് ഒരാഴ്ച്ച കൊണ്ട് കൂട്ടിച്ചേ‍ർത്തത് 65,060.30 കോടി രൂപ

മുംബൈ: ഓഹരി മൂല്യം കുതിച്ചതോടെ വിപണി മൂല്യത്തിൽ മികച്ച നേട്ടം കൈവരിച്ച് ഇന്ത്യൻ കമ്പനികൾ.
റിലയൻസ് ഇൻഡസ്ട്രീസ്, എച്ച്ഡിഎഫ്സി ബാങ്ക് തുടങ്ങി വിപണി മൂല്യത്തിൽ മുന്നിലുള്ള ആറ് ഇന്ത്യൻ കമ്പനികൾ ചേര്‍ന്ന് കൂട്ടിച്ചേ‍ര്‍ത്തത് 65,060 കോടി രൂപയുടെ വിപണി മൂല്യം. കഴിഞ്ഞ ആഴ്ചയിലാണ് ഇത്രയും കോടി രൂപയുടെ വിപണി മൂല്യം ഈ കമ്പനികൾ ചേർന്ന് നേടിയത്. Also Read: റിലയൻസ് ഇൻഡസ്ട്രീസ് വിപണി മൂല്യം പത്തു ലക്ഷം കോടി രൂപ കടന്നു

റിലയൻസ്, എച്ച്ഡിഎഫ്സി എന്നിവ കൂടാതെ, ഐസിഐസിഐ ബാങ്ക്, കോട്ടക്ക് മഹീന്ദ്ര ബാങ്ക്, എസ്ബിഐ എന്നിവയാണ് വിപണി മൂല്യത്തിൽ മുന്നിലുള്ളത്. റിലയൻസ് ഇൻഡസ്ട്രീസിൻറെ വിപണി മൂല്യം 17,439.74 കോടി രൂപയിൽ നിന്ന് 10,03,147.26 കോടി രൂപയായി ആണ് ഉയ‍ര്‍ന്നത്. എച്ച്ഡിഎഫ്സി ബാങ്കിൻറെ വിപണി മൂല്യം 15,435.51 കോടി രൂപയിൽ നിന്ന് 4,06,705.23 കോടി രൂപയായി ആണ് ഉയ‍ര്‍ന്നത്. എസ്ബിഐയുടേത് 11,512.75 കോടി രൂപയായി മാറി.

Also Read: രാജ്യത്തെ ഏറ്റവും വലിയ ഓൺലൈൻ ഫൂഡ് ഡെലിവറി കമ്പനിയ്ക്ക് തുടക്കമാകുമോ?

ഐസിഐസിഐ ബാങ്കിൻറെ വിപണി മൂല്യം 8,210.91 കോടി രൂപയിൽ നിന്ന് 3,47,551.97കോടി രൂപയായി ആണ് ഉയര്‍ന്നത്. കോട്ടക്ക് മഹീന്ദ്ര ബാങ്കിൻറെ വിപണി മൂല്യം 3,371.91 കോടി രൂപയിൽ നിന്ന് 3,23,236 കോടി രൂപയായി ആണ് മാറിയത്. അതേസമയം ടിസിഎസ്, ഹിന്ദുസ്ഥാൻ യൂണീലിവ‍ര്‍, ഇൻഫോസിസ്,ഐടിസി തുടങ്ങിയ കമ്പനികളുടെ മൂല്യം ഇടിഞ്ഞു.