ഓഹരിസൂചികകളിലെ റെക്കോര്‍ഡ് കുതിപ്പ് തുടരുന്നു; സൂചികകൾ ചരിത്രമെഴുതുന്നു

മുംബൈ: ഓഹരിസൂചികകളിലെ റെക്കോര്‍ഡ് കുതിപ്പ് തുടരുന്നു. സെൻസെക്സും നിഫ്റ്റിയും സര്‍വ്വകാല റെക്കോര്‍ഡുകൾ ഭേദിച്ച് മുന്നേറ്റം തുടരുകയാണ്.നിഫ്റ്റി 11,000ത്തോളവും സെന്‍സെക്‌സ് 36000ത്തോളവും കടന്നു. വ്യാപാരം ആരംഭിച്ചയുടൻ സെന്‍സെക്‌സ് 134 പോയിന്‍റ് ഉയര്‍ന്ന് 35,932ലും നിഫ്റ്റി 43 പോയിന്‍റ് നേട്ടത്തിൽ 11009ലുമെത്തി. ബിഎസ്ഇയിലെ 523 കമ്പനികളുടെ ഓഹരികള്‍ നേട്ടം കൊയ്തപ്പോൾ 246 ഓഹരികള്‍ നഷ്ടം നേരിട്ടു.

യുഎസില്‍ നിന്നുള്ള ശുഭസൂചകവാര്‍ത്തകള്‍ വന്നതോടെയാണ് ഏഷ്യന്‍ വിപണികളുടെ വ്യാപാരം നേട്ടത്തോടെയാണ് ആരംഭിച്ചത്. യു.എസ് സൂചികകളും വ്യാപാരം അവസാനിപ്പിച്ചപ്പോൾ നേട്ടത്തിലായിരുന്നു. ഹിന്‍ഡാല്‍കോ, ആക്‌സിസ് ബാങ്ക്, ഇന്‍ഫോസിസ്, റിലയന്‍സ്, വേദാന്ത, എച്ച്‌സിഎല്‍ ടെക്, സിപ്ല, ഒഎന്‍ജിസി, ടാറ്റ സ്റ്റീല്‍, ഡോ.റെഡ്ഡീസ് ലാബ്, എസ്ബിഐ, ബജാജ് ഓട്ടോ,ഐസിഐസിഐ ബാങ്ക്, തുടങ്ങിയ ഓഹരികള്‍ നേട്ടം കൊയ്തു.

അതേസമയം ഏഷ്യന്‍ പെയിന്‍റ്സ്, വിപ്രോ, ടാറ്റ മോട്ടോഴ്‌സ്, ബോഷ്, ടെക് മഹീന്ദ്ര, മാരുതി സുസുകി, എച്ച്ഡിഎഫ്‌സി ബാങ്ക്, നേരിട്ടുഭാരതി എയര്‍ടെല്‍, ഹിന്ദുസ്ഥാന്‍ യുണിലിവര്‍ തുടങ്ങിയ കമ്പനികളുടെ ഓഹരികള്‍ നഷ്ടം നേരിട്ടു.