ഓണം, ബക്രീദ് ആഘോഷങ്ങള്‍ സപ്ലൈകോക്ക് നേട്ടം

ഓണം, ബക്രീദ് ആഘോഷങ്ങള്‍ പ്രമാണിച്ച്‌ ആരംഭിച്ച പ്രത്യേക ചന്തകളിലെ വിറ്റുവരവ് 10 കോടി കവിഞ്ഞതായി സപ്ലൈകോ റിപ്പോര്‍ട്ടുകള്‍. 1465 ഓണം-ബക്രീദ് ഫെയറുകളാണു സപ്ലൈകോ സംസ്ഥാനത്തൊട്ടാകെ സംഘടിപ്പിക്കുന്നത്.എല്ലായിനം അരിയും പയര്‍വര്‍ഗങ്ങളും സബ്സിഡി നിരക്കിലും നോണ്‍സബ്സിഡി നിരക്കിലും ലഭിക്കും.

ഓണം പ്രമാണിച്ച്‌ ഒരു റേഷന്‍ കാര്‍ഡിനു നല്കുന്ന 10 കിലോ അരി ഒന്നിച്ച്‌ എല്ലാ വില്‍പനശാലകളില്‍നിന്നു വാങ്ങാനുള്ള സൗകര്യവും ഒരുക്കിയിട്ടുണ്ട്.പ്രത്യേക ഓണച്ചന്തകള്‍ക്കു പുറമേ സപ്ലൈകോയുടെ എല്ലാ വില്പനശാലകള്‍ വഴിയും അവശ്യസാധനങ്ങള്‍ വിതരണം ചെയും. ഓണക്കാലത്ത് ബിപിഎല്‍ കാര്‍ഡുടമകള്‍ക്കു വിതരണം ചെയ്യുന്ന സൗജന്യ ഓണക്കിറ്റുകളില്‍ ഇതുവരെ 15 ലക്ഷത്തോളം കിറ്റുകള്‍ വിതരണം ചെയ്തു.