ഈ മലയാളിയുടെ ഒരു വർഷത്തെ ശമ്പളം 12 കോടി

കൊച്ചി: ഇന്ത്യയിലെ ഏറ്റവും വലിയ ഐ.ടി. കമ്പനിയായ ടാറ്റ കണ്‍സള്‍ട്ടന്‍സി സര്‍വീസസിന്റെ (ടി.സി.എസ്.) സി.ഇ.ഒ. മലയാളിയായ രാജേഷ് ഗോപിനാഥന്‍റെ വാർഷിക വരുമാനം 12 കോടി. 2017-18 സാമ്പത്തിക വര്‍ഷം അദ്ദേഹം ശമ്പളമായി നേടിയതാണ് 12 കോടി രൂപ. ഇതില്‍ 1.02 കോടി രൂപയാണ് അടിസ്ഥാന ശമ്പളം. 10 കോടി രൂപ കമ്മീഷനും ശേഷിച്ച തുക മറ്റു അലവന്‍സുകളുമാണ്.

2016-17-ലെ 6.2 കോടി രൂപയെ അപേക്ഷിച്ച് ഇരട്ടിയായാണ് അദ്ദേഹത്തിന്റെ ശമ്പളം ഉയര്‍ന്നത്. ടി.സി.എസ്സിന്റെ മേധാവിയായിരുന്ന എന്‍. ചന്ദ്രശേഖരന്‍ ടാറ്റ സണ്‍സിന്റെ ചെയര്‍മാനായതോടെ, 2017 ജനുവരിയിലാണ് രാജേഷ് സി.ഇ.ഒ. പദവിയിലെത്തിയത്. സി.ഒ.ഒ. എന്‍. ഗണപതിയുടെ ശമ്പളം 6.15 കോടിയില്‍ നിന്ന് ഒമ്പതു കോടിയായും ഉയര്‍ന്നിട്ടുണ്ട്.