ലോകത്തിലെ ഏറ്റവും വലിയ സമ്പന്നൻ എന്ന പദവി വീണ്ടും എലൻ മസ്ക്കിന് സ്വന്തം. ആമസോൺ സ്ഥാപകൻ ജെഫ് ബെസോസിനെ മറികടന്നാണ് ടെസ്ല, സ്പേസ് എക്സ് സിഇഒ എലൻ മസ്ക് തന്റെ സമ്പന്ന പദവി തിരിച്ചുപിടിച്ചത്. ഒറ്റരാത്രികൊണ്ട് ടെസ്ലയുടെ ഓഹരികൾ രണ്ട് ശതമാനം ഉയർന്നതോടെയാണ് ബ്ലൂംബെർഗ് ശതകോടീശ്വരൻമാരുടെ പട്ടികയിൽ അദ്ദേഹം വീണ്ടും ഒന്നാംസ്ഥാനത്തെത്തിയത്. ബ്ലൂംബെർഗിന്റെ കണക്കനുസരിച്ച് മസ്ക്കിന്റെ മൊത്തം ആസ്തി 182 ബില്യൺ ഡോളറാണ്. ജെഫ് ബെസോസിന്റേത് 181 ബില്യൺ ഡോളറും. ഈ വർഷം ജനുവരി മുതൽ ജെഫ് ബെസോസും എലൻ മസ്ക്കും തമ്മിൽ സമ്പന്ന പട്ടികയിലെ ആദ്യ സ്ഥാനത്തിനായുള്ള കടുത്ത പോരാട്ടത്തിലാണ്. ഇത് മൂന്നാം തവണയാണ് ബെസോസിനെ മറികടന്ന് ലോക കോടീശ്വരൻമാരുടെ പട്ടികയിൽ എലൻ മസ്ക് ഒന്നാംസ്ഥാനത്തെത്തുന്നത്. കഴിഞ്ഞ ആഴ്ച ടെസ്ലയുടെ ഓഹരി 27 ബില്യൺ ഡോളർ (2 ലക്ഷം കോടി രൂപ) ഇടിഞ്ഞതോടെയായിരുന്നു ലോക കോടീശ്വരമാരുടെ പട്ടികയിൽ ഒന്നാമനായിരുന്ന അദ്ദേഹം വീണ്ടും രണ്ടാംസ്ഥാനത്തേക്ക് പിന്തള്ളപ്പെട്ടത്. ടെക്നോളജി വിഭാഗം ഓഹരികൾ കനത്ത വിൽപന സമ്മർദം നേരിട്ടതോടെയാണ് ടെസ്ലയുടെ ഓഹരിയുടെ വില ഇടിഞ്ഞത്.
Also Read: ഡെബിറ്റ് കാർഡ് നഷ്ടപ്പെട്ടോ? ഈ നമ്പറിൽ വിളിച്ച് ബ്ലോക്ക് ചെയ്യാം, പുതിയതിന് അപേക്ഷിക്കാൻ നാല് വഴികൾ
ഇതിന്റെ ഫലമായി ടെസ്ലയുടെ മൂല്യത്തിൽ 230 ബില്യൺ ഡോളറിന്റെ കുറവാണുണ്ടായത്. അതേസമയം എലൻ മസ്ക്കും സിഎഫ്ഒ സാക്ക് കിർഖോണും തങ്ങളുടെ ടൈറ്റിൽ മാറ്റിയതായി ടെസ്ല യുഎസ് സെക്യൂരിറ്റീസ് ആൻഡ് എക്സ്ചേഞ്ച് കമ്മീഷനെ (എസ്ഇസി) അറിയിച്ചു. ടെക്നോകിങ് ഓഫ് ടെസ്ല എന്ന പേരിലാണ് മസ്ക് ഇനി അറിയപ്പെടുക. മാസ്റ്റർ ഓഫ് കോയിൻ എന്ന പേരിൽ സാക്കും അറിയപ്പെടും.
Also Read: ഡെബിറ്റ് കാർഡ് നഷ്ടപ്പെട്ടോ? ഈ നമ്പറിൽ വിളിച്ച് ബ്ലോക്ക് ചെയ്യാം, പുതിയതിന് അപേക്ഷിക്കാൻ നാല് വഴികൾ
ഇതിന്റെ ഫലമായി ടെസ്ലയുടെ മൂല്യത്തിൽ 230 ബില്യൺ ഡോളറിന്റെ കുറവാണുണ്ടായത്. അതേസമയം എലൻ മസ്ക്കും സിഎഫ്ഒ സാക്ക് കിർഖോണും തങ്ങളുടെ ടൈറ്റിൽ മാറ്റിയതായി ടെസ്ല യുഎസ് സെക്യൂരിറ്റീസ് ആൻഡ് എക്സ്ചേഞ്ച് കമ്മീഷനെ (എസ്ഇസി) അറിയിച്ചു. ടെക്നോകിങ് ഓഫ് ടെസ്ല എന്ന പേരിലാണ് മസ്ക് ഇനി അറിയപ്പെടുക. മാസ്റ്റർ ഓഫ് കോയിൻ എന്ന പേരിൽ സാക്കും അറിയപ്പെടും.