യെസ് ബാങ്ക്; റാണ കപുറിൻറെ കുടുംബാംഗങ്ങളിലേക്കും അന്വേഷണം

ന്യൂഡൽഹി: യെസ് ബാങ്ക് സ്ഥാപകനും മുൻ മാനേജിങ് ഡയറക്ടറുമായ റാണാ കപുറിനെഅറസ്റ്റ് ചെയ്തതിനു പിന്നാലെ കുടംബാംഗങ്ങളിലേക്കും അന്വേഷണം വ്യാപിപ്പിച്ച് എൻഫോഴ്സ്മെൻറ് ഡയറക്ടറേറ്റ്.

റാണാ കപൂറിൻറെ പെൺമക്കളുടെ ഡൽഹിയിലെയും മുംബൈയിലെയും വസതിയിലും എൻഫോഴ്സ്മെൻറ് ഡയറക്ടറേറ്റ് റെയ്ഡ് നടത്തിയിരുന്നു. ഡിഎച്ച്എഫ്എല്ലിനു കമ്പനി നൽകിയ ലോണുകൾ നിഷ്ക്രിയാസ്തിയുടെ ഗണത്തിൽപ്പെടുത്തിയതുൾപ്പെടയുള്ള നിരവധി ക്രമക്കേടുകൾ റാണാ കപുറിൻറെ പേരിൽ ഉണ്ട്. ലോൺ തിരിച്ചടവ് മുടങ്ങിയപ്പോൾ ഇതു നിഷ്ക്രിയാസ്തിയായി മാറ്റുകയായിരുന്നു.

Also Read: യെസ് ബാങ്ക് പുനരുദ്ധാരണം; വിജ്ഞാപനം പുറപ്പെടുവിച്ച് ആ‍ര്‍ബിഐ

യെസ് ബാങ്ക് അനുവദിച്ച വായ്പയിൽ നിന്ന് 600 കോടി രൂപയോളം മറ്റൊരു സ്വകാര്യ സ്ഥാപനത്തിലേക്ക് ഡിഎച്ച്എഫ്എൽ മാറ്റിയിരുന്നു. ഇതു സംബന്ധിച്ചും അന്വേഷണം നടക്കുന്നുണ്ട്. റാണാ കപുറിൻറെ ഭാര്യ ബിന്ദു കപുറിൻറെ ബാങ്ക് അക്കൗണ്ടുകൾ വഴിയുള്ള പണമിടപാടുകൾ സംബന്ധിച്ച അന്വേഷണവും നടക്കുന്നുണ്ട്. യെസ് ബാങ്കിൻറെ, ചില കോർപ്പറേറ്റ് സ്ഥാപനങ്ങൾക്കുള്ള വഴി വിട്ട വായ്പ അനുവദിയ്ക്കലും ഇടപാടുകളും അന്വേഷിയ്ക്കും. ഇവർക്ക് ഡിഎച്ച്എഫ്എല്ലുമായുള്ള ബന്ധവും ഇതിൽ ഉൾപ്പെടുന്നു.