ഇന്ത്യ ബുള്‍സ് ഹൗസിംഗ് ഫിനാന്‍സ് ലിമിറ്റഡ് ലക്ഷ്മി വിലാസ് ബാങ്കിൽ ലയിക്കില്ല

കൊച്ചി: ഇന്ത്യബുള്‍സ് ഹൗസിംഗ് ഫിനാന്‍സ് ലിമിറ്റഡും ഇന്ത്യ ബുള്‍സ് കൊമേഴ്‌സ്യല്‍ ക്രെഡിറ്റ് ലിമിറ്റഡും ലക്ഷ്മി വിലാസ് ബാങ്ക് ലിമിറ്റഡിൽ ലയിക്കുന്നത് ആർ.ബി.ഐ തടഞ്ഞു. ഇതു സംബന്ധിച്ച അനിശ്ചിതത്വം അവസാനിച്ചതോടെ തുടർ നടപടികളുമായി ബാങ്ക് മുന്നോട്ടു പോകുമെന്ന് അധികൃതര്‍ വ്യക്തമാക്കി. റിസര്‍വ് ബാങ്കിന്‍റെ തീരുമാനം അംഗീകരിക്കുന്നതായും ബാങ്ക് അധികൃതർ അറിയിച്ചു.ഉയർന്ന കിട്ടാക്കടം ഉൾപ്പെടെയുള്ള കാരണങ്ങളാൽ കഴിഞ്ഞ മാസം ലക്ഷ്മി വിലാസ് ബാങ്കിന് ആർ.ബി.ഐ നിയന്ത്രണങ്ങൾ ഏർപ്പെടുത്തിയിരുന്നു. അതേസമയം 1926-ല്‍ പ്രവര്‍ത്തനം തുടങ്ങിയ ബാങ്ക്ഇടപാടുകാര്‍ക്ക് മികച്ച സേവനം നല്‍കുന്നതിനായി 1980-കളില്‍ ഏറ്റവും പുതിയ സാങ്കേതികവിദ്യ ആര്‍ജിച്ച ബാങ്കുകളിലൊന്നാണെന്നും ബാങ്കിന്റെ ഡിപ്പോസിറ്റ് 26,000 കോടി രൂപയിലധികമാണെന്നും മാനേജ്മെന്‍റ് വ്യക്തമാക്കി. 1974-ല്‍ തമിഴ്‌നാടിനു പുറത്തു ശാഖകള്‍ ആരംഭിച്ച ബാങ്കിന് രാജ്യത്താകെ ഇപ്പോള്‍ 571 ശാഖകളും ഏഴു സിബിബിയും 1,045 എടിഎമ്മുകളുമുണ്ട്.