ദീപിക പദുക്കോൺ
ബോളിവുഡിലെ താരറാണിയായ ദീപിക പദുക്കേണിന്റെയും ഭർത്താവും നടനുമായ റൺവീർ സിംഗിന്റെയും ഫാഷൻ ഭ്രമം ലോകമെമ്പാടും പാട്ടാണ്. സ്റ്റേജ് ഷോ, നെറ്റ് പാർട്ടി, വിവാഹം, അവാർഡ് ഷോ, അഭിമുഖം, ടിവി പരിപാടി, പ്രൊമോഷൻ തുടങ്ങി എവിടെയും തിളങ്ങി നിൽക്കുന്ന താരമാണ് ദീപിക. വസ്ത്രം, മേക്കപ്പ്, ആക്സസറീസ് എല്ലാത്തിലും വ്യത്യസ്തത പുലർത്താൻ താരം ശ്രമിക്കാറുണ്ട്. അതിന് ഉത്തമ ഉദാഹരമാണ് ദീപികയുടെ കാൻ ഫെസ്റ്റിവലിലെ എൻട്രി.
Also Read: 10 കോടി രൂപയുടെ ചെറുകിട സംരംഭങ്ങൾ തുടങ്ങാൻ മുൻകൂർ അനുമതി വേണ്ട, നിക്ഷേപ സൗഹൃദ പദ്ധതിയുമായി സർക്കാർ
സ്വർണ നിറത്തിലുള്ള പ്രശസ്തമായ കാർട്ടിയറിന്റെ ലവ് ബ്രേസ്ലെറ്റ് ആണ് ദീപികയുടെ ഫേവറേറ്റ്. കാൻ മുതൽ ഫിലിം പ്രമോഷനുകൾ വരെ മിക്കപ്പോഴും എല്ലാ അവസരങ്ങളിലും ദീപിക ഈ ബ്രേസ്ലെറ്റ് അണിഞ്ഞ് എത്താറുണ്ട്. 6,300 ഡോളർ (ഏകദേശം 4,32,337 രൂപ) ആണ് കാർട്ടിയർ ലവ് ബ്രേസ്‍ലെറ്റിന്റെ വില.
അനുഷ്ക ശർമ്മ
അനുഷ്ക ശർമ്മയുടെ ഫാഷൻ തിരഞ്ഞെടുപ്പുകൾ എല്ലായ്പ്പോഴും വളരെ അഴകൊത്തതും ഗംഭീരവുമാണ്. സിനിമാ പ്രമോഷനോ പാർട്ടിക്കോ അല്ലെങ്കിൽ മറ്റേതെങ്കിലും പരിപാടിക്കോ താരം അണിഞ്ഞെത്തുന്ന വസ്ത്രവും അതിനൊത്ത ആക്സസറീസും ആരാധകരെ‌യടക്കം അതിശയിപ്പിക്കും. വളരെ ലെറ്റ് വെയ്റ്റ് മേക്കപ്പും ആക്സസറീസുമാണ് താരം അണിയാറുള്ളത്. ഏതാണോ ഒക്കേഷൻ അതനുസരിച്ച് വളരെ വ്യത്യസ്തമായാണ് വസ്ത്രവും ധരിക്കാറ്.
Also Read: ലോകത്തിലെ ഏറ്റവും വിലകൂടിയ പ്രാവ്, ലേലത്തിൽ വിറ്റത് 13 കോടി രൂപയ്ക്ക്
അതുപോലെ കൈയിലണിയുന്ന വളയും ബ്രേസ്‍ലെറ്റും വളരെ ആകർഷമുള്ളതായിരിക്കും. മിക്കപ്പോഴും ഗോൾഡൻ നിറത്തിലുള്ള സ്വർണ്ണ ഡയൽ വാച്ചാണ് അനുഷ്ക ധരിക്കാറുള്ളത്. പ്രശസ്ത വാച്ച് കമ്പനിയായ കാർട്ടിയറിന്റെ ബ്രേസ്ലെറ്റ് ഉൾപ്പെടുന്ന JUSTE UN CLOU ശേഖരത്തിൽനിന്നുള്ളതാണ് ഈ വാച്ച്. 6,800 ഡോളറാണ് വില അതായത് ഏകദേശം 4,66,650 രൂപ.
കത്രീന കൈഫ്
കോഫി വിത്ത് കരൺ എന്ന ചാറ്റ്ഷോയിൽ കത്രീന കൈഫ് അണിഞ്ഞെത്തിയ ബ്രേസ്ലെറ്റ് ഏറെ ശ്രദ്ധനേടിയിരുന്നു. ലോകത്തിലെ ഏറ്റവും പ്രശസ്തമായ ടിഫാനിസിന്റെ ടി ബ്രേസ്ലെറ്റ് ആണ് കത്രീന ധരിച്ചത്. 2,000 ഡോളർ ആണ് വാച്ചിന്റെ വില. അതായത് 1,48,688 രൂപ.