പെട്രോൾവിലയിൽ മാറ്റമില്ല; ഡീസൽ വിലയിൽ നേരിയ വര്‍ധനവ്

തിരുവനന്തപുരം: സംസ്ഥാനത്ത് പെട്രോൾവില മാറ്റമില്ലാതെ തുടരുന്നു. ഡീസൽ വിലയിൽ നേരിയ വര്‍ധനവ് രേഖപ്പെടുത്തി. കഴിഞ്ഞ ദിവസങ്ങളിലായി സ്ഥിരമായി ഇന്ധനവിലയിൽ നേരിയ ഇടിവുണ്ടായിരുന്നു. തലസ്ഥാനമായ തിരുവനന്തപുരത്ത് പെട്രോൾ ലിറ്ററിന് 72.85 രൂപ എന്ന നിരക്കിലാണ് വ്യാപാരം പുരോഗമിക്കുന്നത്. തിരുവനന്തപുരത്തെ അപേക്ഷിച്ച് സാധാരണഗതിയിൽ കൊച്ചിയിൽ വില അൽപം കുറവുണ്ട്. മെട്രോനഗരത്തിൽ 71.58 രൂപ എന്ന നിരക്കിലാണ് ഇന്ന് പെട്രോൾ വ്യാപാരം നടക്കുന്നത്.

അതേസമയം കൊച്ചിയിൽ ഡീസൽ ലിറ്ററിന് 62.20 എന്ന നിരക്കിലും തിരുവനന്തപുരത്ത് ഡീസൽ ലിറ്ററിന് 63.41 എന്ന വിലനിരക്കിലുമാണ് ഇന്ധനവ്യാപാരം പുരോഗമിക്കുന്നത്.

അന്താരാഷ്‌ട്ര വിപണിയില്‍ ക്രൂഡ് ഓയിലിന്‍റെ വിലയിൽ വ്യതിയാനമുണ്ടാകുന്നതിനാലാണ് പെട്രോളിന്‍റെയും ഡീസലിന്‍റെയും വിലയില്‍ ഓരോ ദിവസവും ഏറ്റക്കുറച്ചില്‍ ഉണ്ടാകുന്നത്.