സെൻസെക്‌സ് 522 പോയിന്‍റ് താഴ്ന്നു; ഒാഹരി വിപണിയിൽ കനത്ത നഷ്‌ടം

മുംബൈ: ഓഹരി വിപണിയിൽ കനത്ത നഷ്‌ടം.സെൻസെക്‌സ് 522 പോയിന്‍റ് താഴ്ന്ന് 28274ലും നിഫ്റ്റി 160 പോയിന്‍റ് നഷ്ടത്തിൽ 8706ലുമെത്തി.

ബിഎസ്ഇയിലെ 353 കമ്പനികള്‍ നേട്ടത്തിലും 1545 ഓഹരികള്‍ നഷ്ടത്തിലുമാണ്. ടെക് മഹീന്ദ്ര, ഇന്‍ഫോസിസ്, വിപ്രോ തുടങ്ങിയ കമ്പനികളുടെ ഓഹരികളാണ് നേട്ടത്തിലുള്ളത്. ഹിന്‍ഡാല്‍കോ, ടാറ്റ സ്റ്റീല്‍, ഐസിഐസിഐ ബാങ്ക്, ടാറ്റ മോട്ടോഴ്‌സ്, ഹീറോ മോട്ടോര്‍കോര്‍പ്, ആക്‌സിസ് ബാങ്ക്, എസ്ബിഐ തുടങ്ങിയ കമ്പനികൾ നഷ്ടത്തിലുമാണ്.

രൂപയുടെ മൂല്യത്തിൽ 35 പൈസയുടെ ഇടിവുണ്ടായി. ഡോളറിനെതിരെ 66.90 രൂപയാണ് ഇപ്പോൾ രൂപയുടെ മൂല്യം. ബ്രെക്സിറ്റിന് ശേഷം ഒറ്റദിവസം കൊണ്ട് ഓഹരി ഇത്രയും ഇടിയുന്നത് ഇതാദ്യമാണ്. ആഗോള വിപണിയിലുണ്ടായ കനത്ത വിൽപന സമ്മർദ്ദമാണ് സൂചികകൾക്ക് തിരിച്ചടിയായത്.