ന്യൂഡിൽസ് ഇഷ്ടമാണോ ? നേടാം കിടിലൻ ജോലിയും 7 ലക്ഷം രൂപ ശമ്പളവും

ഇഷ്ടപ്പെട്ട ഭക്ഷണത്തിനൊപ്പം ജോലിയും കൂലിയും ഒരുമിച്ച് കിട്ടിയാൽ എങ്ങനെ ഉണ്ടാകും? ന്യൂഡിൽസ് ഇഷ്ടപ്പെടുന്നവരാണ് നിങ്ങളെങ്കിൽ ഇതൊരു മികച്ച ഓഫറായിരിക്കും. എന്താ സംഭവം എന്നല്ലോ. അന്താരാഷ്ട്ര നൂഡിൽസ് ബ്രാൻഡായ നിസിൻ ഫുഡ്സിന്റെ ടോപ്പ് റാമെൻ ചീഫ് നൂഡിൽ ഓഫിസറെ തേടുന്നു. കമ്പനി തയ്യാറാക്കുന്ന പുതിയ നൂഡിൽസ് റെസിപ്പികൾ രുചിച്ച് നോക്കി അഭിപ്രായം പറയാനും പുതിയ പാചകക്കുറിപ്പ് ആശയങ്ങൾ പങ്കുവയ്ക്കാനുമാണ് നൂഡിൽ ഓഫിസറെ തേടുന്നത്. 10,000 ഡോളർ ആണ് ശമ്പളം. അതായത് 7 ലക്ഷം രൂപ.

നൂഡിൽസിനോട് താത്പര്യം ഉള്ളവർക്ക് മാത്രമാണ് മൂൻഗണന. റാമെൻ ചീഫ് നൂഡിൽ ഓഫിസർ സ്ഥാനത്തേക്ക് എത്തണമെങ്കിൽ ആദ്യം ടോപ്പ് രാമൻ കോണ്ടെസ്റ്റിൽ പങ്കെടുക്കണം. ഇതിനായി ടോപ്പ് രാമൻ നൂഡിൽസ് ഉപയോഗിച്ച് ഉണ്ടാക്കിയ സ്വന്തം റെസിപ്പികൾ സോഷ്യൽമീഡിയയിൽ പങ്കുവയ്ക്കണം. പോസ്റ്റിൽ ഒറിജിനൽ ടോപ്പ് രാമൻ എന്ന പേജ് ടാഗ് ചെയ്യണം. ഒപ്പം #howdoyoutopramen എന്ന ഹാഷ്ടാഗും ഉൾപ്പെടുത്തണം. സോഷ്യൽമീഡിയയിൽ പങ്കുവച്ച പോസ്റ്റിന്റെ ലിങ്ക് കവറിംഗ് ലെറ്ററിനൊപ്പം TopRamenCNO@citizenrelations.com എന്ന മെയിൽ ഐഡിയിലേക്ക് അയക്കണം.

Also Read: ലൈഫ് സർട്ടിഫിക്കറ്റ് സമർപ്പിക്കുന്നതിനുള്ള സമയപരിധി വീണ്ടും നീട്ടി

കഴിഞ്ഞ തവണത്തെ ടോപ്പ് ഷെഫ് വിജയി മെലീസ കിംഗ് ആണ് വരുന്ന എൻട്രികളിൽ നിന്ന് വിജയിയെ തെരഞ്ഞെടുക്കുക. ശമ്പളത്തിന് പുറമേ നിസിൻ ഫുഡ്സ് സിഇഒ മൈക്ക് പ്രൈസിന്റെ വൺ-ടു-വൺ മെന്റർഷിപ്പ് ലഭിക്കും. പതിനെട്ട് വയസ് തികഞ്ഞ യുഎസ് പൗരനോ അല്ലെങ്കിൽ അമേരിക്കയിൽ സ്ഥിരതാമസമാക്കിയ വ്യക്തിയ്ക്കോ മാത്രമാണ് മത്സരത്തിൽ പങ്കെടുക്കാൻ യോഗ്യത.