നിക്ഷേപകർക്ക് നേട്ടം; ഓഹരി വിപണിയിൽ ഉണർവ്വ്

മുംബൈ: ഓഹരി വിപണി നേട്ടത്തിൽ. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 997.46 പോയിൻറുകൾ ഉയർന്ന് 33,717.62 എന്ന നിലവാരത്തിൽ ആണ് വ്യാപാരം അവസാനിപ്പിച്ചത്. നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 306.55 പോയിൻറുകൾ ഉയർന്ന് 9859.90 എന്ന നിലവാരത്തിൽ ആണ് വ്യാപാരം അവസാനിപ്പിച്ചത്.

Also Read: കൊറോണ; റിലയൻസ് ഇൻഡസ്ട്രീസിലും സാലറി കട്ട്

കോർപ്പറേറ്റ് കമ്പനികളുടെ മൂന്നാം പാദ ഫല റിപ്പോർട്ട് പുറത്ത് വരുന്നത് ആശങ്കകൾക്കിട നൽകിയിരുന്നെങ്കിലും പാദഫലം വിപണിയ്ക്ക് ആത്മവിശ്വാസമേകി. രൂപ ഡോളറിനെതിരെ കരുത്താർജിച്ചതും വിപണിയ്ക്ക് ഉണർവ്വേകി. കൊറോണ വ്യാപനം കുറയുമെന്ന സൂചനകളും വിപണിയ്ക്ക് ഉണർവ്വേകി. ഓട്ടോ, മെറ്റൽ, ടെക്നോളജി കമ്പനികളുടെ ഓഹരികളാണ് പ്രധാനമായും നേട്ടമുണ്ടാക്കിയത്.