കൊറോണയിൽ തകർന്നടിഞ്ഞ് വീണ്ടും ഓഹരി വിപണി

മുംബൈ: ഓഹരി വിപണിയിൽ ഇടിവ്. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 2,919.26പോയിൻറുകൾ ഇടിഞ്ഞ് 32,778.14 എന്ന നിലവാരത്തിലാണ് വ്യാപാരം അവസാനിപ്പിച്ചത്. നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 868.25 പോയിൻറുകൾ ഇടിഞ്ഞ് 9,590.15 എന്ന നിലവാരത്തിലാണ് വ്യാപാരം അവസാനിപ്പിച്ചത്.

ലോകാരോഗ്യ സംഘടന കൊറോണ വൈറസിനെ ഗുരുതരമായ പകർച്ചവ്യാധിയായി പ്രഖ്യാപിച്ച് തൊട്ടു പിന്നാലെയാണ് ഓഹരി വിപണി കൂപ്പു കുത്തിയത്. ഇന്നലെ നേരിയ തോതിൽ തിരിച്ചുകയറ്റം പ്രകടമാക്കിയെങ്കിലും വീണ്ടും കൂപ്പു കുത്തുകയായിരുന്നു. ഡോളറിനെതിരെ രൂപയുടെ മൂല്യവും ഇടിഞ്ഞിട്ടുണ്ട്. മൂല്യം 82 പൈസ ഇടിഞ്ഞ് 74.50 രൂപ എന്ന നിലവാരത്തിൽ എത്തി.

Also Read: എസ്ബിഐ മിനിമം ബാലൻസ് പിഴ ഇനി ഇല്ല;എസ്എംഎസിനും ചാർജില്ല

ബുധനാഴ്ച്ചയോടെയാണ് കൊറോണ മാരകമായ പകർച്ച വ്യാധിയായി ലോകാരോഗ്യ സംഘടന പ്രഖ്യാപിയ്ക്കുന്നത്. ചൈനയ്ക്ക് വെളിയിലുള്ള രാജ്യങ്ങളിൽ 13 മടങ്ങാണ് രണ്ടാഴ്ച്ച കൊണ്ട് വൈറസ് വ്യാപിച്ചിരിയ്ക്കുന്നത്. വൈറസ് ബാധ പ്രതിരോധിയ്ക്കാൻ രാജ്യങ്ങൾ കർശന നടപടികൾ സ്വീകരിയ്ക്കണമെന്നാണ് മുന്നറിയിപ്പ്.