ഓഹരി വിപണിയിൽ നിക്ഷേപകരുടെ നഷ്ടം തുടരുന്നു

മുംബൈ: വ്യാപാരത്തിൻറെ തുടർച്ചായായ നാലാം ദിവസവും ഇടിഞ്ഞ് ഓഹരി വിപണി. മുംബൈ സ്റ്റോക്ക് എക്സ്ചേഞ്ച് സൂചികയായ സെൻസെക്സ് 776.21 പോയിൻറുകൾ ഇടിഞ്ഞ് 28,093.30 പോയിൻറുകൾ എന്ന നിലവാരത്തിലാണ് വ്യാപാരം നടക്കുന്നത്.

നാഷണൽ സ്റ്റോക്ക് എക്സ്ചേഞ്ച് സൂചികയായ നിഫ്റ്റി 251.70 പോയിൻറുകൾ ഇടിഞ്ഞ് 8230.95 എന്ന നിലവാരത്തിലാണ് വ്യാപാരം . വ്യാപാരത്തിൻറെ തുടക്കത്തിൽ സെൻസെക്സ് 2000 പോയിൻറുകളോളം ഇടിഞ്ഞിരുന്നു.

ഓഹരി, ബോണ്ട്, സ്വർണം തുടങ്ങിയ നിക്ഷേപങ്ങളെല്ലാം നിക്ഷേപകർ വിറ്റഴിയ്ക്കുന്നതാണ് ഓഹരി വിപണിയെ ഉലയ്ക്കുന്നത്. ബജാജ് ഫിനാൻസ്, ഇൻഡസ് ഇൻഡ് ബാങ്ക്, എച്ച്ഡിഎഫ്സി തുടങ്ങിയ ഓഹരികൾ എല്ലാം തന്നെ കൂടുതൽ നഷ്ടം നേരിടുന്നു.

Also Read: സംസ്ഥാനത്ത് സ്വർണ വില കുറഞ്ഞു; ഇന്നത്തെ വില അറിയാം

കൊറോണ സൃഷ്ടിച്ച ആശങ്കയിൽ ആഗോള സൂചികകളെലല്ലാം തന്നെ നഷ്ടത്തിലാണ്. ജപ്പാന് വെളിയിലുള്ള ഏഷ്യ പസഫിക് ഓഹരി വിപണികളും നഷ്ടത്തിലാണ്. നാല് വർഷത്തിനിടയിലെ ഏറ്റവും വലിയ ഇടിവ് ഏഷ്യൻ സൂചികകളിലും പ്രകടമാണ്. കൊറിയ, ഹോങ്കോങ് എന്നിവിടങ്ങളിലെ ഓഹരി വിപണിയും നഷ്ടം നേരിടുന്നു. അമേരിക്കൻ സൂചികയായ ഡൌ ജോൺസും വലിയ നഷ്ടം നേരിടുകയാണ്.