തൊഴിലില്ലായ്മാ നിരക്ക് മൂന്ന് വര്‍ഷത്തെ ഉയരത്തില്‍

രാജ്യത്തെ ആഗസ്റ്റിലെ തൊഴിലില്ലായ്മാ നിരക്ക് മൂന്ന് വര്‍ഷത്തെ ഉയരത്തില്‍ എത്തി. 8.4 ശതമാനം ആയാണ് തൊഴിലില്ലായ്മാ നിരക്ക് ഉയര്‍ന്നത്. സെന്‍റര്‍ ഫോര്‍ മോണിറ്ററിങ് ഇന്ത്യന്‍ ഇക്കണോമിയാണ് ഡേറ്റ പുറത്ത് വിട്ടത്. 2019- ആഗസ്റ്റിലെ പ്രതിവാര തൊഴില്‍ ഇല്ലായ്മാ നിരക്ക് 8 മുതല്‍ 9 ശതമാനം വരെയാണ്. ജൂലൈയില്‍ ഇത് ഏഴ് മുതല്‍ 8 ശതമാനം വരെയാണ്. സെപ്റ്റംബര്‍ 2016-ന് ശേഷമുള്ള ഏറ്റവും ഉയര്‍ന്ന നിരക്ക് കൂടെയാണിത്.

നഗരങ്ങളിലെ തൊഴിലില്ലായ്മാ നിരക്ക് 9.6 ശതമാസനം ആയാണ് ഉയര്‍ന്നത്. ഗ്രമങ്ങളില്‍ ഇത് 7.8 ശതമാനം ആണ്. ഗ്രാമീണ മേഖലയില്‍ പ്രതിവര്‍ഷമുള്ള പുതിയ തൊഴില്‍ നിരക്ക് ആഗസ്റ്റില്‍ 2.9 ശതമാനമായി വര്‍ധിച്ചിട്ടുണ്ട്. നഗര മേഖലയില്‍ ഇതില്‍ കാര്യമായ ഇടിവാണുള്ളത്.

രാജ്യത്ത് നിക്ഷേപങ്ങളില്‍ ഉണ്ടായ കുറവ് തൊഴില്‍ ഇല്ലായ്മയെ ബാധിച്ചിട്ടുണ്ട്. പുതിയ വന്‍കിട കമ്പനികളില്‍ ഉള്‍പ്പെടെ കൂടുതല്‍ നിക്ഷേപങ്ങള്‍ എത്തിയാല്‍ മാത്രമേ വര്‍ധിച്ചു വരുന്ന തൊഴില്‍ പ്രതിസന്ധിക്ക് പരിഹാരം കാണാനാകൂ. മികച്ച തൊഴില്‍ അവസരങ്ങള്‍ സൃഷ്ചിക്കപ്പെടുന്നില്ലെന്ന പ്രതിസന്ധി തുടരുകയാണ്.