കേന്ദ്ര ബജറ്റ് 2023; കേന്ദ്രധനമന്ത്രി രാഷ്ട്രപതിയെ സന്ദർശിച്ചു

കേന്ദ്രധനമന്ത്രി നിർമല സീതാരാമൻ ഇന്ന് പാർലമെന്റിൽ ബജറ്റ് അവതരിപ്പിക്കും. പേപ്പർലെസ് രൂപത്തിലാണ് ബജറ്റ് അവതരണം നടക്കുന്നത്. ബജറ്റ് അവതരണത്തിന് മുന്നോടിയായി നിർമല സീതാരാമൻ തന്റെ ഓഫീസിലെത്തി. ദേശീയ ചിഹ്നത്തോടു കൂടിയ ചുവന്ന തുണിയിൽ പൊതിഞ്ഞ ഡിജിറ്റൽ ടാബ്ലറ്റുമായിട്ടാണ് ധനമന്ത്രി രാവിലെ ഓഫീസിലെത്തിയത്. രാഷ്ട്രപതി ഭവനിൽ രാഷ്ട്രപതി ദ്രൗപതി മുർമുവിനെ സന്ദർശിക്കാനായി പോകുന്നതിനു മുമ്പ് ധനമന്ത്രി ഉദ്യോഗസ്ഥരോടൊപ്പം ഫോട്ടോയ്ക്ക് പോസ് ചെയ്തു.

ഇത്തവണ നിർമല സീതാരാമൻ അഞ്ചാമത് ബജറ്റാണ് അവതരിപ്പിക്കുന്നത്. 2019 ൽ ധനകാര്യമന്ത്രാലയത്തിന്റെ ചുമതല ഏറ്റെടുത്തതു മുതലുള്ള കണക്കാണിത്. കോവി‍ഡ് കാലമായ 2021 ലാണ് പേപ്പറുകൾ ഒഴിവാക്കി ടാബ്ലറ്റിൽ ബജറ്റ് അവതരിപ്പിക്കാൻ ആരംഭിച്ചത്. തന്റെ പ്രസംഗവും, മറ്റ് ബജറ്റ് രേഖകളും ഇത്തരത്തിൽ ഡിജിറ്റൽ ടാബ്ലറ്റിലാണ് സൂക്ഷിച്ചിരിക്കുന്നത്. ഇതേ വർഷം തന്നെയാണ് യൂണിയൻ ബജറ്റ് മൊബൈൽ ആപ്ലിക്കേഷൻ ('Union Budget Mobile App') കേന്ദ്രധനമന്ത്രി അവതരിപ്പിച്ചത്. ഇതിലൂടെ ബജറ്റുമായി ബന്ധപ്പെട്ട രേഖകൾ എംപിമാർക്കും, പൊതുജനങ്ങൾക്കും നേരിട്ട് ലഭ്യമാകുന്നു.

Also Read : Nirmala Sitharaman :ബിബിസിക്കും, ഹിൻഡൻബർ​ഗിനും മറുപടിയാകുമോ കേന്ദ്രബജറ്റ്?
കേന്ദ്രധനമന്ത്രി തന്റെ അഞ്ചാമത്തെ ബജറ്റ് അവതരണമാണ് ഇന്ന് നടത്തുന്നത്. പേപ്പർലെസ് രീതിയിലുള്ള ബജറ്റ് അവതരണം ടാബ്ലറ്റ് ഉപയോഗിച്ചാണ് നടത്തുക. ബജറ്റ് അവതരണത്തിനു മുന്നോടിയായി ധനമന്ത്രി നിർമല സീതാരാമൻ ഇന്ന് രാവില രാഷ്ട്രപതിയ സന്ദർശിച്ചു.

ഇന്നത്തെ ബജറ്റ് അവതരണത്തിനു മുന്നോടിയായി ഇന്നലെ പാർലമെന്റിൽ നിർമല സീതാരാമൻ 2022-23 സാമ്പത്തിക വർഷത്തിലെ സാമ്പത്തിക സർവേ അവതരിപ്പിച്ചു. കോവിഡ് കാലത്തെ സാമ്പത്തിക പ്രതിസന്ധിയിൽ നിന്ന് രാജ്യം പൂർണമായി കരകയറിയെന്ന് അവർ അറിയിച്ചു. അടുത്ത സാമ്പത്തിക വർഷം ഇന്ത്യയുടെ സമ്പദ് വ്യവസ്ഥ 6 മുതൽ 6.8 ശതമാനം വരെ വളർച്ച പ്രകടമാക്കുമെന്ന് ധനമന്ത്രി അറിയിച്ചു. നിരവധി ആഗോള വെല്ലുവിളികൾ നിറഞ്ഞ സാഹചര്യത്തിലും ഇന്ത്യൻ സമ്പദ് വ്യവസ്ഥയ്ക്ക് മികച്ച പ്രകടനം കാഴ്ച വെക്കാനായി.ഭാവിയിലെ വളർച്ച, നിരവധി ആഗോള-സാമ്പത്തിക ഘടകങ്ങളുമായി ബന്ധപ്പെട്ടിരിക്കുന്നു എന്നും അവർ അറിയിച്ചു.


Read Latest Business News and Malayalam News