രാജ്യത്ത് പുതിയ നഗരങ്ങൾ വികസിപ്പിക്കുന്നതിനുള്ള പദ്ധതിയുമായി സർക്കാർ. നിലവിലുള്ള വൻ നഗരങ്ങളിലെ ജനസംഖ്യാ ഭാരം ലഘൂകരിക്കുന്നതിനായി എട്ട് പുതിയ നഗരങ്ങൾ കൂടെ വികസിപ്പിക്കാനുള്ള പദ്ധതി പരിഗണനയിലെന്ന് റിപ്പോർട്ടുകൾ. പുതിയ നഗരങ്ങൾ വികസിപ്പിക്കണമെന്ന് 15-ാം ധനകാര്യ കമ്മീഷൻ ശുപാർശ ചെയ്തിട്ടുണ്ടെന്ന് കേന്ദ്ര ഭവന, നഗരകാര്യ വകുപ്പിൻെറ 20 യൂണിറ്റ് ഡയറക്ടർ എംബി സിംഗ് ആണ് വെളിപ്പെടുത്തിയത്. പ്രധാന നഗരങ്ങളിലെ ജനസാന്ദ്രത കുറക്കാൻ പുതിയ നഗരങ്ങളുടെ അടിയന്തര വികസനമാണ് പ്രായോഗിക പരിഹാരം എന്ന നിർദ്ദേശമാണ് ധനകാര്യകമ്മീഷൻ മുന്നോട്ട് വച്ചിരിക്കുന്നത്. ഇതിൻെറ അടിസ്ഥാനത്തിലാണ് പുതിയ നഗരങ്ങൾ വികസിപ്പിക്കുന്നത് എന്നാണ് സൂചന. വിവിധ സംസ്ഥാനങ്ങൾ തങ്ങളുടെ നിർദ്ദേശങ്ങൾ കേന്ദ്ര സർക്കാരിന് സമർപ്പിച്ചിട്ടുണ്ട്. ആകെ 26 നിർദ്ദേശങ്ങൾ ആണ് സർക്കാരിന് ലഭിച്ചത്. സൂക്ഷ്മപരിശോധനയ്ക്കും വിശകലനത്തിനും ശേഷം ഇതിൽ നിന്ന് എട്ട് നഗരങ്ങളുടെ വികസനമാണ് ഇപ്പോൾ പരിഗണിക്കുന്നത്. ഏത് സംസ്ഥാനങ്ങളിലാകും പുതിയ നഗരങ്ങൾ വികസിപ്പിക്കുന്നത് എന്ന് വെളിപ്പെടുത്തിയിട്ടില്ല. തിരഞ്ഞെടുത്ത സ്ഥലങ്ങളിലെ നഗര വികസനത്തിനായി സമയക്രമം പ്രഖ്യാപിക്കുന്നതിനൊപ്പം സർക്കാർ തന്നെ ഇത് വെളിപ്പെടുത്തുമെന്നാണ് എംബി സിംഗ് വ്യക്തമാക്കിയത്. പിടിഐക്കാണ് അഭിമുഖം നൽകിയത്.
നിലവിലുള്ള വൻകിട നഗരങ്ങൾ ഉയർന്ന ജനസംഖ്യമൂലം പൗരന്മാരുടെ വിവിധ ആവശ്യങ്ങൾ നിറവേറ്റാൻ ബുദ്ധിമുട്ടുന്നു എന്ന് കണ്ടെത്തിയതിനെ തുടർന്നാണ് അടിയന്തിരമായി മറ്റ് നഗരങ്ങൾ കൂടെ വികസിപ്പിക്കുന്നത്.. ഇന്നത്തെ പ്രധാന നഗര കേന്ദ്രങ്ങളുടെ പ്രാന്തപ്രദേശങ്ങളിലെ ശാസ്ത്രീയമല്ലാത്ത വിപുലീകരണം നഗരാസൂത്രണം തകർത്തു. പുതിയ നഗരങ്ങൾ വരുന്നത് വർദ്ധിച്ചു വരുന്ന ജനസംഖ്യകൊണ്ടുള്ള ബുദ്ധിമുട്ടുകൾക്ക് പരിഹാരമായേക്കും.
പുതിയ നഗരങ്ങളുടെ വികസനം ചുറ്റുമുള്ള പ്രദേശങ്ങൾക്കും ഗുണമാകും. സാമൂഹികവും സാമ്പത്തികവുമായ വികസനത്തിനും ഇത് വഴിവെക്കും.
നിലവിലുള്ള വൻകിട നഗരങ്ങൾ ഉയർന്ന ജനസംഖ്യമൂലം പൗരന്മാരുടെ വിവിധ ആവശ്യങ്ങൾ നിറവേറ്റാൻ ബുദ്ധിമുട്ടുന്നു എന്ന് കണ്ടെത്തിയതിനെ തുടർന്നാണ് അടിയന്തിരമായി മറ്റ് നഗരങ്ങൾ കൂടെ വികസിപ്പിക്കുന്നത്.. ഇന്നത്തെ പ്രധാന നഗര കേന്ദ്രങ്ങളുടെ പ്രാന്തപ്രദേശങ്ങളിലെ ശാസ്ത്രീയമല്ലാത്ത വിപുലീകരണം നഗരാസൂത്രണം തകർത്തു. പുതിയ നഗരങ്ങൾ വരുന്നത് വർദ്ധിച്ചു വരുന്ന ജനസംഖ്യകൊണ്ടുള്ള ബുദ്ധിമുട്ടുകൾക്ക് പരിഹാരമായേക്കും.
പുതിയ നഗരങ്ങളുടെ വികസനം ചുറ്റുമുള്ള പ്രദേശങ്ങൾക്കും ഗുണമാകും. സാമൂഹികവും സാമ്പത്തികവുമായ വികസനത്തിനും ഇത് വഴിവെക്കും.