ഇന്ത്യയിലെ ബിസിനസുകാരുമായി കൂടിക്കാഴ്ച്ച നടത്താൻ ഒരുങ്ങി അമേരിക്കൻ പ്രസിഡൻറ്

ന്യൂഡൽഹി: ആദ്യ ഇന്ത്യാ സന്ദര്‍ശന വേളയിൽ ഇന്ത്യയിലെ ബിസിനസുകാരുമായി കൂടിക്കാഴ്ച്ച നടത്താൻ അമേരിക്കൻ പ്രസിഡൻറ് ഡോണാൾഡ് ട്രംപ് തയ്യാറെടുക്കുന്നു. ഫെബ്രുവരി 25-നാകും കൂടിക്കാഴ്ച്ച എന്നാണ് സൂചന.
അമേരിക്കയിലെ നിക്ഷേപം സംബന്ധിച്ച ച‍‍ര്‍ച്ചകൾ നടത്തിയേക്കും. തെരഞ്ഞെടുപ്പിന് മുമ്പ് കൂടുതൽ നിക്ഷേപം ആക‍ര്‍ഷിക്കുക കൂടെയാണ് ലക്ഷ്യം. ഉഭയ കക്ഷി കരാറിൽ അനിശ്ചിതത്വം ഉണ്ടെങ്കിലും തെരഞ്ഞെടുപ്പ് മുന്നിൽക്കണ്ട് തന്നെയാണ് കൂടിക്കാഴ്ച്ച.

റിലയൻസ് ഇൻഡസ്ട്രീസ് ചെയര്‍മാൻ മുകേഷ് അംബാനി, ഭാരതി എയര്‍ടെൽ ചെയര്‍മാൻ സുനിൽ മിത്തൽ, ടാറ്റ സൺസ് ചെയര്‍മാൻ എൻ ചന്ദ്രശേഖരൻ, മഹീന്ദ്ര ഗ്രൂപ്പ് ചെയര്‍മാൻ ആനന്ദ് മഹീന്ദ്ര, എൽആൻഡ്ടി ചെയര്‍മാൻ എഎം നായിക്ക്, ബയോകോൺ സിഎംഡി കിരൺ മജുംദാര്‍ ഷാ തുടങ്ങിയ ബിസിനസ് പ്രമുഖരെയാണ് ട്രംപ് കാണുന്നത് എന്നാണ് റിപ്പോർട്ടുകൾ.

Also Read: ഡോണള്‍ഡ് ട്രംപും മെലാനിയയും ഫെബ്രുവരി 24-നെത്തും; അഹ്‍മദാബാദില്‍ 'ഹൗ‍ഡി മോദി' നടക്കുമോ ?

യുഎസിലെ ഉത്പാദനം, തൊഴിലവസരങ്ങൾ എന്നിവ വ‍ര്‍ധിപ്പിയ്ക്കുന്നത് ലക്ഷ്യമിട്ടാണ് കൂടിക്കാഴ്ച്ച. ഇരു രാജ്യങ്ങളും തമ്മിലുള്ള ഉഭയകക്ഷി വ്യാപാരത്തിന് പരിമിതികൾ ഉണ്ടെങ്കിലും കൂടിക്കാഴ്ച്ച നിര്‍ണായകം ആയേക്കും. പുതിയ വ്യാപാര കരേറുകളും ഒപ്പിട്ടേക്കും എന്നും സൂചനയുണ്ട്. ഈ വ‍ര്‍ഷം അവസാനത്തോടെ നടക്കുന്ന അമേരിക്കൻ പ്രസിഡൻറ് തെരഞ്ഞെടുപ്പ് ട്രംപിനെ സംബന്ധിച്ചിടത്തോളം നി‍ര്‍ണായകമാണ്.