നോട്ട് നിരോധനം വിജയമോ എന്ന് പറയാന്‍ ആവശ്യത്തിന് വിവരങ്ങള്‍ ഇല്ല

ന്യൂഡല്‍ഹി: കഴിഞ്ഞ നവംബറില്‍ രാജ്യത്ത് നടപ്പാക്കിയ നോട്ട് നിരോധനം വിജയമായിരുന്നോ എന്ന് പറയാന്‍ ആവശ്യമായ വിവരങ്ങള്‍ ലഭ്യമല്ലെന്ന് പാര്‍ലമെന്‍ററി സമിതിയുടെ റിപ്പോര്‍ട്ട്. കോണ്‍ഗ്രസ് നേതാവ് വീരപ്പ മൊയ്‍ലി അധ്യക്ഷനായുള്ള ധനകാര്യ പാര്‍ലമെന്‍ററി സമിതിയാണ് ഇക്കാര്യം ചൂണ്ടിക്കാട്ടുന്നത്.

കള്ളനോട്ട്, കള്ളപ്പണം, ഭീകരപ്രവര്‍ത്തനത്തിനുള്ള സാമ്പത്തിക സഹായം തുടങ്ങിയവ തടയാനാണ് നോട്ട് നിരോധനം നടപ്പാക്കിയതെന്നായിരുന്നു കേന്ദ്ര സര്‍ക്കാരിന്‍റെ വിശദീകരണം. എന്നാല്‍ ഇത് നടപ്പായോ എന്നറിയാന്‍ ആവശ്യത്തിനുള്ള വിവരങ്ങള്‍ ലഭ്യമല്ലെന്നാണ് സമിതിയുടെ റിപ്പോര്‍ട്ട് പറയുന്നത്. സമിതിയുടെ 41 പേജുള്ള ഡ്രാഫ്‍റ്റ് റിപ്പോര്‍ട്ടിലാണ് ഇക്കാര്യങ്ങള്‍ പറയുന്നത്. റിപ്പോര്‍ട്ട് പുറത്തുവിട്ടിട്ടില്ല.

നോട്ട് നിരോധനത്തിന് വേണ്ടിവന്ന ചിലവ്, അതില്‍നിന്നുണ്ടായ ഗുണഫലങ്ങള്‍ എന്നിവയുടെ വിവരങ്ങള്‍ ലഭ്യമല്ലാത്തതിനാല്‍ കേന്ദ്ര സര്‍ക്കാരിന്‍റെ നടപടികളുടെ യഥാര്‍ത്ഥ ഫലം എന്തെന്ന് തിരിച്ചറിയാനായില്ല. എന്നാല്‍, ഗ്രാമീണ സാമ്പത്തിക മേഖലയിലും മറ്റും കാര്യമായ ദോഷഫലങ്ങള്‍ ഉണ്ടാവുകയും ചെയ്‍തു. സമിതിയില്‍ അംഗങ്ങളായ മറ്റു പാര്‍ട്ടികളിലെ അംഗങ്ങള്‍ സാങ്കേതിക പ്രശ്‍നങ്ങള്‍ ഉന്നയിച്ചിട്ടുള്ളതിനാല്‍ റിപ്പോര്‍ട്ട് അംഗീകരിച്ചിട്ടില്ല. ഇതിനിടെ കഴിഞ്ഞ ദിവസം നോട്ട് നിരോധനം സംബന്ധിച്ച വിവരങ്ങള്‍ റിസര്‍വ് ബാങ്ക് പുറത്തുവിടുകയും ചെയ്‍തിരുന്നു.

Veerappa Moily’s demonetisation draft says not enough information provided to gauge objectives achieved

The unpublicised 41-page draft report on demonetisation, circulated by ​ Veerappa Moily as chairman of the Parliamentary Standing Committee of Finance on Tuesday, states that it was not yet possible to gauge whether demonetisation achieved its stated objective.