മോട്ടറോളയുമായി കൈകോർത്ത് വിഐ; തടസ്സങ്ങളില്ലാത്ത 5ജി കണക്റ്റിവിറ്റി ഉറപ്പാക്കുക ലക്ഷ്യം

വോഡഫോൺ ഐഡിയ അതിന്റെ അഞ്ചാം തലമുറ സ്‌മാർട്ട്‌ഫോൺ സേവനങ്ങളിലുടനീളം തടസ്സമില്ലാത്ത 5ജി കണക്റ്റിവിറ്റി ഉറപ്പാക്കാൻ മോട്ടറോളയുമായി സഹകരിക്കുമെന്ന് തിങ്കളാഴ്ച പ്രസ്താവനയിൽ പറയുന്നു. പ്രതിസന്ധയിലായ സ്ഥാപനത്തിന്റെ 16,000 കോടി രൂപയുടെ പലിശ കുടിശ്ശിക ഇക്വിറ്റിയിലേക്ക് പരിവർത്തനം ചെയ്യാൻ കേന്ദ്രം വെള്ളിയാഴ്ച അനുമതി നൽകിയതോടെ, വോഡഫോൺ ഐഡിയയ്ക്ക് ഒരു ആയാസം ലഭിച്ച് ദിവസങ്ങൾക്കുള്ളിലാണ് പുതിയ പ്രഖ്യാപനം. ഇക്വിറ്റി പരിവർത്തനത്തിന് ശേഷം, മാനേജ്‌മെന്റ് നിയന്ത്രണമില്ലാതെ കമ്പനിയിൽ സർക്കാരിന് ഏകദേശം 33 ശതമാനം ഓഹരികൾ ഉണ്ടായിരിക്കും.

Also Read : വോഡഫോൺ ഐഡിയ; ഏറ്റവും വലിയ ഓഹരി പങ്കാളിയായി കേന്ദ്രസർക്കാർ

“രാജ്യത്തെ 5ജി ആവാസവ്യവസ്ഥയുടെ വികസനം കൂടുതൽ ത്വരിതപ്പെടുത്തുന്നതിന്, വിപുലമായ 5ജി സ്മാർട്ട്‌ഫോൺ പോർട്ട്‌ഫോളിയോയിലുടനീളം തടസ്സമില്ലാത്ത 5ജി കണക്റ്റിവിറ്റി ഉറപ്പാക്കാൻ വിഐ, മോട്ടറോളയുമായി സഹകരിച്ച് പ്രവർത്തിക്കുന്നു," രണ്ട് കമ്പനികളും തിങ്കളാഴ്ച പ്രസ്താവനയിൽ പറഞ്ഞു. “നിലവിൽ മോട്ടറോള അതിന്റെ ഏറ്റവും പുതിയതും ജനപ്രിയവുമായ സ്മാർട്ട്‌ഫോൺ മോഡലുകൾ 3350 മുതൽ 3400 മെഗാഹെർട്‌സ് സ്പെക്‌ട്രം ബാൻഡുകളിൽ ന്യൂഡൽഹിയിലെ വിഐ 5ജി നെറ്റ്‌വർക്കിൽ വിജയകരമായി പരീക്ഷിച്ചു.” പ്രസ്താവന കൂട്ടിച്ചേർത്തു.

ഡിജിറ്റൽ ഇന്ത്യ എന്ന സ്വപ്നം സാക്ഷാത്കരിക്കുന്നതിൽ നിർണായക പങ്ക് വഹിക്കാൻ വിഐ പ്രതിജ്ഞാബദ്ധമാണ്. ഞങ്ങളുടെ 5ജി റോൾ ഔട്ടിലേക്കുള്ള പുതിയ ചുവടുവെപ്പിൽ മോട്ടറോളയുമായി പങ്കാളിയാകുന്നതിൽ ഞങ്ങൾക്ക് സന്തോഷമുണ്ട്. ഈ പങ്കാളിത്തം 5ജി ഡിവൈസ് ഇക്കോസിസ്റ്റം വികസിപ്പിക്കാൻ സഹായിക്കുമെന്ന് ഞങ്ങൾ വിശ്വസിക്കുന്നു. കൂടുതൽ വിഐ ഉപഭോക്താക്കൾക്ക് സേവനം ലഭ്യമാകുന്ന സമയത്ത് ഒരു മികച്ച 5ജി റെഡി സ്മാർട്ട്ഫോണിലേക്ക് അപ്ഗ്രേഡ് ചെയ്യാൻ ശ്രമിക്കുകയാണ്. വിയുടെ സിഎംഒ അവ്നീഷ് ഖോസ്ല പറഞ്ഞു.

വോഡഫോൺ ഐഡിയയുടെ മാനേജ്‌മെന്റ്, കമ്പനിക്ക് ഫണ്ട് സ്വരൂപിക്കാൻ കഴിയുന്നതുവരെ, അവർക്ക് 5ജിയ്‌ക്കായി വാണിജ്യ ഓർഡറുകൾ നൽകാൻ കഴിയില്ലെന്ന് കമ്പനി വ്യക്തമാക്കി. അതുകൊണ്ടാണ് 5ജി-യ്‌ക്കായുള്ള ലോഞ്ച് ടൈംലൈനിനെക്കുറിച്ച് ടെൽകോയ്ക്ക് അഭിപ്രായം പറയാൻ കഴിയാത്തത്. അതിനാൽ, ഈ പങ്കാളിത്ത പ്രഖ്യാപനം യഥാർത്ഥത്തിൽ ഉപയോഗശൂന്യമാണ്.
അതായത്, വിഐക്കോ മോട്ടറോളക്കോ ഈ ഡീലിൽ മുന്നേറ്റമൊന്നും ഉണ്ടാവില്ല.

Also Read : ക്യുആർ കോഡ് - കോയിൻ വെൻഡിംഗ് മെഷീൻ പുറത്തിറക്കാൻ ആർബിഐ

5ജി-യെ പിന്തുണയ്‌ക്കുന്ന മോട്ടറോളയിൽ നിന്നുള്ള സ്‌മാർട്ട്‌ഫോണുകളും ഇവയാണ് :
മോട്ടറോള എഡ്ജ് 30 അൾട്രാ, മോട്ടറോള എഡ്ജ് 30 ഫ്യൂഷൻ, മോട്ടോ ജി62 5ജി, മോട്ടറോള എഡ്ജ് 30, മോട്ടോ ജി82 5ജി, മോട്ടറോള എഡ്ജ് 30 പ്രൊ, മോട്ടോ ജി71 5ജി, മോട്ടോ ജി51, എഡ്ജ് 5ജി 20, മോട്ടറോള എഡ്ജ് 20 പ്രോ, മോട്ടറോള എഡ്ജ് 20 ഫ്യൂഷൻ.

ഈ സ്മാർട്ട്ഫോണുകളെല്ലാം എയർടെല്ലിന്റെ 5ജി എൻഎസ്എ നെറ്റ്‌വർക്കുകളെ ഇതിനകം പിന്തുണയ്ക്കുന്നുണ്ട്. സ്വന്തമായി 5ജി നെറ്റ്‌വർക്ക് സമാരംഭിക്കാതെ തന്നെ, ഇന്ത്യയിൽ 5ജി പിന്തുണയ്‌ക്കാൻ പ്രാപ്‌തമാക്കിയിട്ടുള്ള 5ജി സ്‌മാർട്ട്‌ഫോൺ നിർമ്മാതാക്കളുമായാണ് നിലവിൽ വിഐ പങ്കാളിത്തം പ്രഖ്യാപിച്ചിരിക്കുന്നത്.

Read Latest Business News and Malayalam news