'കുര്‍കുറെ'യില്‍ പ്ലാസ്റ്റിക്; പ്രചരണം വ്യാജമെന്ന് പെപ്‍സികോ
'കുര്‍കുറെ'യില്‍ പ്ലാസ്റ്റിക് എന്ന് പ്രചരണം; കോടതിയെ സമീപിച്ച് പെപ്‍സികോ
Samayam Malayalam 28 Jul 2018, 4:04 pm
ആഗോള ശീതള പാനീയ കമ്പനി പെപ്‍സികോ സോഷ്യല്‍ മീഡിയ കമ്പനികളുമായി നിയമയുദ്ധത്തില്‍. പെപ്‍സികോയുടെ ഭക്ഷോൽപ്പന്ന ബ്രാന്‍ഡ്‍ കുര്‍കുറെയില്‍ പ്ലാസ്റ്റിക് അടങ്ങിയിട്ടുണ്ടെന്ന പ്രചരണത്തിന് എതിരെയാണ് പെപ്‍സികോ ഇന്ത്യയില്‍ കോടതിയെ സമീപിച്ചത്.
ഫേസ്‍ബുക്ക്, ട്വിറ്റര്‍, യൂട്യൂബ്, ഇന്‍സ്റ്റഗ്രാം എന്നീ അമേരിക്കന്‍ ടെക് കമ്പനികളോട് അവരുടെ പ്ലാറ്റ്‍ഫോമിലൂടെ നടക്കുന്ന കുര്‍കുറെ വിരുദ്ധ പ്രചരണങ്ങള്‍ തടയണമെന്നാണ് പെപ്‍സികോ ആവശ്യപ്പെടുന്നത്.
2.1 കോടി രൂപയുടെ നഷ്‍ട പരിഹാരവും കമ്പനി ആവശ്യപ്പെടുന്നു.
കുര്‍കുറെ ബ്രാന്‍ഡില്‍ പ്ലാസ്റ്റിക് ഉണ്ടെന്ന് പ്രചരിപ്പിക്കുന്ന വീഡിയോ, പോസ്റ്റുകള്‍ വ്യാപകമായി സോഷ്യല്‍ മീഡിയയിലൂടെ ഷെയര്‍ ചെയ്യപ്പെടുകയാണെന്ന് പെപ്‍സികോ അറിയിച്ചു. കമ്പനിയുടെ പരാതി പ്രകാരം ഇത്തരം വിവരങ്ങള്‍ പങ്കുവയ്ക്കുന്നവരുടെ അക്കൗണ്ട് വിവരങ്ങള്‍ നല്‍കണമെന്ന് സോഷ്യല്‍ മീഡിയ കമ്പനികളോട് കോടതി ആവശ്യപ്പെട്ടു.
യൂട്യൂബ്, ട്വിറ്റര്‍ കമ്പനികള്‍ ഇതിനോടകം നടപടികള്‍ ആരംഭിച്ചിട്ടുണ്ടെന്ന് ഇക്കണോമിക് ടൈംസ് റിപ്പോര്‍ട്ട് ചെയ്യുന്നു. ഫേസ്‍ബുക്ക് പ്രതികരിച്ചിട്ടില്ല.
ഫേസ്‍ബുക്കില്‍ മാത്രം ഏതാണ്ട് 3412 ലിങ്കുകളും 20,244 പോസ്റ്റുകളും ഈ വ്യാജ പ്രചരണത്തില്‍പ്പെടുന്നതായി പെപ്‍സികോ പറയുന്നു. ട്വിറ്റര്‍, യൂട്യൂബ്, ഇന്‍സ്റ്റഗ്രാം പ്ലാറ്റ്‍ഫോമുകളിലായി യഥാക്രമം 565, 242, 6 ലിങ്കുകളും പെപ്‍സികോ കോടതിയില്‍ സമര്‍പ്പിച്ചു.
ഐ.ടി നിയമത്തിലെ 79-ാം വകുപ്പ് ഫേസ്‍ബുക്ക് ഉള്‍പ്പെടെയുള്ള ബ്രാന്‍ഡുകള്‍ക്ക് തുണയാകും. അവരുടെ പ്ലാറ്റ്‍ഫോമുകളില്‍ തേഡ് പാര്‍ട്ടികള്‍ ചേര്‍ക്കുന്ന വിവരങ്ങള്‍ക്ക് ഈ കമ്പനികള്‍ ഉത്തരം പറയേണ്ടതില്ല എന്നതാണ് ചട്ടം.
ഫേസ്‍ബുക്ക്, ട്വിറ്റര്‍, യൂട്യൂബ്, ഇന്‍സ്റ്റഗ്രാം എന്നീ അമേരിക്കന്‍ ടെക് കമ്പനികളോട് അവരുടെ പ്ലാറ്റ്‍ഫോമിലൂടെ നടക്കുന്ന കുര്‍കുറെ വിരുദ്ധ പ്രചരണങ്ങള്‍ തടയണമെന്നാണ് പെപ്‍സികോ ആവശ്യപ്പെടുന്നത്.
2.1 കോടി രൂപയുടെ നഷ്‍ട പരിഹാരവും കമ്പനി ആവശ്യപ്പെടുന്നു.
കുര്‍കുറെ ബ്രാന്‍ഡില്‍ പ്ലാസ്റ്റിക് ഉണ്ടെന്ന് പ്രചരിപ്പിക്കുന്ന വീഡിയോ, പോസ്റ്റുകള്‍ വ്യാപകമായി സോഷ്യല്‍ മീഡിയയിലൂടെ ഷെയര്‍ ചെയ്യപ്പെടുകയാണെന്ന് പെപ്‍സികോ അറിയിച്ചു. കമ്പനിയുടെ പരാതി പ്രകാരം ഇത്തരം വിവരങ്ങള്‍ പങ്കുവയ്ക്കുന്നവരുടെ അക്കൗണ്ട് വിവരങ്ങള്‍ നല്‍കണമെന്ന് സോഷ്യല്‍ മീഡിയ കമ്പനികളോട് കോടതി ആവശ്യപ്പെട്ടു.
യൂട്യൂബ്, ട്വിറ്റര്‍ കമ്പനികള്‍ ഇതിനോടകം നടപടികള്‍ ആരംഭിച്ചിട്ടുണ്ടെന്ന് ഇക്കണോമിക് ടൈംസ് റിപ്പോര്‍ട്ട് ചെയ്യുന്നു. ഫേസ്‍ബുക്ക് പ്രതികരിച്ചിട്ടില്ല.
ഫേസ്‍ബുക്കില്‍ മാത്രം ഏതാണ്ട് 3412 ലിങ്കുകളും 20,244 പോസ്റ്റുകളും ഈ വ്യാജ പ്രചരണത്തില്‍പ്പെടുന്നതായി പെപ്‍സികോ പറയുന്നു. ട്വിറ്റര്‍, യൂട്യൂബ്, ഇന്‍സ്റ്റഗ്രാം പ്ലാറ്റ്‍ഫോമുകളിലായി യഥാക്രമം 565, 242, 6 ലിങ്കുകളും പെപ്‍സികോ കോടതിയില്‍ സമര്‍പ്പിച്ചു.
ഐ.ടി നിയമത്തിലെ 79-ാം വകുപ്പ് ഫേസ്‍ബുക്ക് ഉള്‍പ്പെടെയുള്ള ബ്രാന്‍ഡുകള്‍ക്ക് തുണയാകും. അവരുടെ പ്ലാറ്റ്‍ഫോമുകളില്‍ തേഡ് പാര്‍ട്ടികള്‍ ചേര്‍ക്കുന്ന വിവരങ്ങള്‍ക്ക് ഈ കമ്പനികള്‍ ഉത്തരം പറയേണ്ടതില്ല എന്നതാണ് ചട്ടം.