താരമൂല്യത്തിലും കോലി കിങ്; റാണി ദീപികാ പദുക്കോൺ

ഇന്ത്യൻ യുവത്വത്തിൻറെ പ്രതീകമായി പരസ്യങ്ങൾ ആഘോഷിയ്ക്കുന്ന സെലിബ്രിറ്റിയാണ് വിരാട് കോലി. ഇദ്ദേഹം തന്നെയാണ് ഇപ്പോൾ രാജ്യത്ത് ബ്രാൻഡ് മൂല്യം ഏറ്റവും ഉയർന്ന സെലിബ്രിറ്റി. ഇന്ത്യൻ ക്രിക്കറ്റ് ടീം ക്യാപ്റ്റൻറെ ബ്രാൻഡ് മൂല്യം എത്രയാണെന്നോ?17.9 കോടി ഡോളർ. താരമൂല്യത്തിലും കോലി തന്നെ കിങ്.

ബോളിവുഡ് താരറാണി ദീപികാ പദുക്കോൺ ആണ് ബ്രാൻഡ് മൂല്യത്തിൽ രാജ്യത്ത് രണ്ടാം സ്ഥാനത്തുള്ളത്. 10.25 കോടി ഡോളറാണ് ദീപികാ പദുക്കോണിൻറെ താരമൂല്യം. ഇപ്പോൾ 10 കോടി ഡോളറിലധികം ബ്രാൻഡ് മൂല്യമുള്ള രാജ്യത്തെ ഏക വനിതാ സെലിബ്രിറ്റി കൂടെയാണ് അവർ.

സെലിബ്രിറ്റി റാങ്കിങ്ങിൽ കഴിഞ്ഞ വർഷത്തേതിനേക്കാൾ നില മെച്ചപ്പെടുത്തി മൂന്നും നാലും സ്ഥാനങ്ങളിൽ എത്തിയ രണ്ടു പേരുണ്ട്. അക്ഷയ് കുമാറും രൺവീർ സിങ്ങും. മൂന്നാം സ്ഥാനത്ത് അക്ഷയ് കുമാറും നാലാം സ്ഥാനത്ത് രൺവീർ സിങ്ങുമാണ് ഉള്ളത്. 6.73 കോടി ഡോളറാണ് അക്ഷയ് കുമാറിൻറെ ബ്രാൻഡ് മൂല്യം എങ്കിൽ 6.3 കോടി ഡോളറാണ് രൺവീർ സിങ്ങിൻറെ ബ്രാൻഡ് മൂല്യം.

കിങ്ഖാൻറെ സെലിബ്രിറ്റി ബ്രാൻഡ് മൂല്യം ഈ വർഷം ഇടിഞ്ഞിട്ടുണ്ട്. സെലിബ്രിറ്റി റാങ്കിങ്ങിൽ മുന്നിലുള്ള താരങ്ങളുടെ പട്ടികയിൽ അഞ്ചാം സ്ഥാനത്താണ് ഇപ്പോൾ ഷാരൂഖ് ഖാൻ. രണ്ടാം സ്ഥാനത്തു നിന്നാണ് അദ്ദേഹം ഈ സ്ഥാനത്തേക്ക് എത്തുന്നത്. 6.7 കോടി ഡോളറാണ് ഷാരൂഖ് ഖാൻറെ ബ്രാൻഡ് മൂല്യം.