ഇനി 5ജി; 3ജി ഉപഭോക്താക്കളെ 4ജിയിലേയ്ക്ക് വോഡഫോൺ ഐഡിയ അപ്ഗ്രേഡ് ചെയ്യുന്നു

ന്യൂഡൽഹി: 3ജി ഉപഭോക്താക്കളെ പൂര്‍ണമായി 4ജിയിലേയ്ക്ക് അപ്ഗ്രേഡു ചെയ്യാൻ ഒരുങ്ങുകയാണ് വോഡഫോൺ ഐഡിയ.എതിരാളികൾ ആയ ഭാരതി എയര്‍ടെല്ലിനോടും റിലയൻസ് ജിയോയോടും മത്സരിയ്ക്കാൻ തയ്യാറായി ആണ് നീക്കം.

വിയുടെ ജിഗാനെറ്റ് നെറ്റ്‍വര്‍ക്കിലൂടെ ഏറ്റവും വേഗത ഏറിയ ഡാറ്റ ഉപഭോക്താക്കൾക്ക് നൽകാൻ ഇപ്പോൾ തങ്ങൾക്ക് ആകും എന്ന് കമ്പനി അടുത്തിടെ വ്യക്തമാക്കിയിരുന്നു. 3ജി അധിഷ്ഠിത സേവനങ്ങൾ ഉപയോഗിയ്ക്കുന്ന കമ്പനിയുടെ ഉപഭോക്താക്കൾ 4ജി, മാറാൻ ആണ് കമ്പനി നൽകുന്ന നിര്‍ദേശം. 4ജി അധിഷ്ഠിത സേര്‍വറുകളിലേയ്ക്ക് അപ്ഗ്രേഡ് ചെയ്യപ്പെടും.

അതേസമയം വോഡഫോൺ ഐഡിയ തങ്ങളുടെ 2ജി സേവനം പൂര്‍ണമായി നിര്‍ത്തലാക്കുന്നില്ല എന്നതു ശ്രദ്ധേയമാണ്. ഗ്രാമപ്രദേശങ്ങളിൽ നിരവധി 2ജി ഉപഭോക്താക്കൾ ഇപ്പോഴും ഉണ്ട് എന്ന് കമ്പനി പറയുന്നു.

Also Read: ഇന്ത്യയിലെ ഏറ്റവും ശക്തമായ 4ജി ശൃംഖല ജിഗാനെറ്റ് അവതരിപ്പിച്ച് വി

2 ജി ഉപഭോക്താക്കൾക്ക് ആയുള്ള വോയിസ് സേവനങ്ങൾ നൽകുന്നത് കമ്പനി തുടരും. അതേസമയം 3ജി ഉപഭോക്താക്കളെ 4ജിയിലേയ്ക്ക് അപ്ഗ്രേഡു ചെയ്യും. വോഡഫോണും ഐഡിയയും സംയുക്തമായി അടുത്തിടെ വി എന്ന ബ്രാൻഡ് അവതരിപ്പിച്ചിരുന്നു.

ഏറ്റവും ശക്തമായ 4ജി ശൃംഖലയായ ജിഗാനെറ്റ് കമ്പനി അടുത്തിടെ അവതരിപ്പിച്ചിരുന്നു.അതിവേഗ ഡൗണ്‍ലോഡുകളും അപ് ലോഡുകളും തല്‍സമയം സാധ്യമാക്കാന്‍ പുതിയ നെറ്റ് വര്‍ക്കിലൂടെ കഴിയും. കോവിഡിനു ശേഷം വന്‍ തോതിലുള്ള ഡാറ്റാ ഉപയോഗം ഇതു സാധ്യമാക്കും എന്നാണ് കമ്പനിയുടെ കണക്കുകൂട്ടൽ.