വാട്‍സാപ്പ് സ്റ്റാറ്റസിലൂടെയും ഇനി പണം ഉണ്ടാക്കാം

കൊച്ചി: ഫേസ്ബുക്കിൽ എന്നപോലെ തന്നെ വാട്‍സാപ്പിലും പരസ്യങ്ങൾ പങ്കുവയ്ക്കാനുള്ള മാർഗങ്ങൾ ആലോചിയ്ക്കുകയാണ് ഫേസ്ബുക്ക്. വാട്‍സാപ്പിൽ നിന്ന് കൂടുതൽ പരസ്യ വരുമാനം നേടുകയാണ് ലക്ഷ്യം. എന്നാൽ പരസ്യ തുക ഉപഭോക്താക്കളുമായി പങ്കു വയ്ക്കുന്ന പുതിയ റെവന്യൂ മോഡലാണ് പരിഗണനയിൽ എന്ന് റിപ്പോർട്ടുകൾ ഉണ്ട്.

വാട്‍സാപ്പിൽ കമ്പനി നേരിട്ട് പരസ്യം ഡിസ്പ്ലേ ചെയ്യാതെ ഉപഭോക്താക്കളുടെ സ്റ്റാറ്റസ് ആകും ഇതിനായി തെരഞ്ഞെടുക്കുക എന്നാണ് സൂചന.ഇത് ഉപഭോക്താക്കൾക്കും അധിക വരുമാനം നേടാൻ സഹായകരമാകും.

നിലവിൽ വാട്സ്ആഡ് പോലുള്ള ആപ്പുകളിലെ പരസ്യം വാട്സാപ്പ് സ്റ്റാറ്റസുകളാക്കി വരുമാനം നേടുന്നവരുണ്ട്. സ്റ്റാറ്റസ് 50 പേരെങ്കിലും കണ്ടാലാണ് വരുമാനം ലഭിയ്ക്കുക. കൂടുതൽ പരസ്യങ്ങൾ ഷെയർ ചെയ്ത് കൂടുതൽ തുക ഇത്തരത്തിൽ സ്റ്റാറ്റസുകളിലൂടെ മാത്രം നേടാനാകും.

Also Read: കൊറോണയ്ക്ക് ശേഷം 50 ശതമാനം ജോലികൾ ഇല്ലാതായേക്കും എന്ന് ഐഎൽഒ

150 കോടിയിലധികം ഉപയോക്താക്കളാണ് വാട്‍സാപ്പിനുള്ളത്. വാട്‍സാപ്പിലുടെ വരുമാനം ഉണ്ടാക്കാൻ ഉപയോക്താക്കളെ സഹായിക്കുന്നതിലൂടെ ആപ്പ് കൂടുതൽ ജനപ്രിയമാകുമോ എന്നതാണ് മറ്റൊരി ചോദ്യം. ഇൻസ്റ്റഗ്രാം സ്റ്റാറ്റസിലൂടെയും ഇങ്ങനെ വരുമാനം നേടാനാകും.

പരസ്യം ഷെയറു ചെയ്യുമ്പോൾ ലഭിയ്ക്കുന്ന വരുമാനം ഉപഭോക്താവിനും നൽകുന്ന റെവന്യൂ മോഡൽ മുമ്പ് ഫേസ്ബുക്ക് തന്നെ വെളിപ്പെടുത്തിയിരുന്നു. ഈ വ‍ര്‍ഷത്തോടെ ഇതേ സംവിധാനവുമായി വാട്സാപ്പും എത്തിയേക്കും.