ഇന്ത്യയിൽ സ്വര്ണത്തിന് ഏറ്റവും വില കുറവ് ഉള്ളത് എവിടെ?
വടക്കു പടിഞ്ഞാറൻ സംസ്ഥാനങ്ങളെ അപേക്ഷിച്ച് ദക്ഷിണേന്ത്യയിൽ ആണ് സ്വര്ണ വില ഏറ്റവും കുറവ്. അതിൽ തന്നേ കേരളത്തിൽ ആണ് ഏറ്റവും വില കുറവ് എന്ന് പ്രമുഖ ബിസിനസ് ജേണലിസ്റ്റ് സുനിൽ ഫെര്ണാണ്ടസ് ഒരു റിപ്പോര്ട്ടിൽ ചൂണ്ടിക്കാട്ടിയിരുന്നു. കേരളം കഴിഞ്ഞാൽ സ്വര്ണത്തിന് വിലക്കുറവ് കര്ണാടകയിൽ ആണത്രെ. മുംബൈ, ഡൽഹി നഗരങ്ങളുമായി താരതമ്യം ചെയ്യുമ്പോൾ 22 കാരറ്റ് സ്വര്ണത്തിന് ഇവിടെ വിലക്കുറവാണ്.
Also Read: സ്വര്ണ നാണയങ്ങൾ ബാങ്കിൽ നിന്ന് വാങ്ങരുത് എന്ന് പറയാൻ കാരണം എന്താണ് ?
ബെംഗളൂരുവിലും കിട്ടും താരതമ്യേന കുറഞ്ഞ നിരക്കിൽ സ്വര്ണം. ഉാദാഹരണത്തിന് മുംബൈയിൽ 22 കാരറ്റ് സ്വര്ണത്തിന് 49,500 രൂപ വിലയുള്ളപ്പോൾ കേരളത്തിൽ 46,950 രൂപയും, ബെംഗളൂരുവിൽ 47,730 രൂപയുമാണ് വില. ഹൈദരാബാദ്, ചെന്നൈ നഗരങ്ങളിലെ വില അല്ല അഹമ്മദാബാദിലും കൊൽക്കത്തയിലും ഉള്ളത്.
ലോകത്ത് സ്വര്ണ വില ഏറ്റവും കുറഞ്ഞ രാജ്യങ്ങൾ ഏത്?
രാജ്യാന്തര വിപണി വില അനുസരിച്ച് ഏകദേശം ഒരേ നിരക്കിൽ ആയിരിക്കും സ്വര്ണത്തിൻെറ മൂല്യം എങ്കിലും വിവിധ രാജ്യങ്ങളിൽ സ്വര്ണ വിലയിൽ വ്യത്യാസമുണ്ട്. ലോകത്തിലെ മറ്റു രാജ്യങ്ങളും ആയി താരതമ്യം ചെയ്യുമ്പോൾ ദുബായിൽ സ്വര്ണത്തിന് നികുതി കുറവാണ്. മറ്റ് സാധനങ്ങൾ വാങ്ങുമ്പോൾ അഞ്ചു ശതമാനം ആണ് വാറ്റ്എങ്കിൽ സ്വര്ണത്തിന് നികുതി ഇളവുണ്ട്.
അതുപോലെ വെനസ്വേല സ്വര്ണത്തിന് താരതമ്യേന വില കുറഞ്ഞ രാജ്യങ്ങളിൽ ഒന്നാണ്. യുഎഇക്ക് പുറമെ തായ്ലൻഡിലെ ബാങ്കോക്ക്, ചൈനയിലെ ഹോങ് കൊങ് തുടങ്ങിയ നഗരങ്ങളിൽ നിന്നും സ്വര്ണം ലാഭകരമായി വാങ്ങാം എന്ന് വിവിധ റിപ്പോര്ട്ടുകൾ സൂചിപ്പിയ്ക്കുന്നു.