വനിതാ സംരംഭകര്‍ക്ക് സുവർണാവസരം; സ്റ്റാര്‍ട്ട്അപ്പ് മിഷന്‍റെ സ്കെയില്‍ അപ് പ്രോഗ്രാമിലേക്ക് ഇപ്പോൾ അപേക്ഷിക്കാം

തിരുവനന്തപുരം: സംസ്ഥാനത്തെ വനിതാ സംരംഭകര്‍ക്കുള്ള ബിസിനസ് ആക്സിലറേഷന്‍ പ്രോഗ്രാമിലേക്ക് കേരള സ്റ്റാര്‍ട്ട്അപ്പ് മിഷന്‍ (കെഎസ് യുഎം) അപേക്ഷ ക്ഷണിച്ചു. പ്രയാണ ലാബ്സിന്‍റേയും കേരള ഡവലപ്മെന്‍റ് ആന്‍ഡ് ഇന്നൊവേഷന്‍ സ്ട്രാറ്റജിക് കൗണ്‍സിലിന്‍റേയും സഹകരണത്തോടെയാണ് ആറുമാസത്തെ വെര്‍ച്വല്‍ പ്രോഗ്രാം 'ഉഡാന്‍' സംഘടിപ്പിക്കുന്നത്.

കൃത്യമായ ബിസിനസ് പരിശീലനങ്ങളും മാര്‍ഗനിര്‍ദേശങ്ങളും ലഭ്യമാക്കി വനിതാ സംരംഭകരുടെ ബിസിനസ് പരിധി ഉയര്‍ത്തുന്നതിനാണ് ഉഡാന്‍ ലക്ഷ്യമിടുന്നത്. ബിരുദധാരികളായ വനിതാ സംരംഭകര്‍ / ബിരുദ കോഴ്സ് ചെയ്യുന്നവര്‍, ചെറുകിട ഇടത്തരം സംരംഭങ്ങളില്‍ രണ്ട് വര്‍ഷത്തിലധികം പ്രവൃത്തിപരിചയം ഉള്ളവര്‍ എന്നിവർക്ക് പ്രോഗ്രാമിലേക്ക് അപേക്ഷിക്കാം.

Also Read: അമ്മയുടെ പ്രിയപ്പെട്ട അപർണ, സഹോദരനൊപ്പം എത്താൻ 'അജയ്' ആയി; ലിംഗമാറ്റ ശസ്ത്രക്രിയ നടത്തിയ ഇന്ത്യന്‍ വ്യവസായിയുടെ കഥ

രജിസ്ട്രേഷനായി www.prayaana.org എന്ന വെബ്സൈറ്റ് സന്ദര്‍ശിക്കുകയോ 9742424981 എന്ന നമ്പറില്‍ ബന്ധപ്പെടുകയോ ചെയ്യാം. മാര്‍ച്ച് 8 നകം രജിസ്ട്രേഷൻ നടപടിക്രമങ്ങൾ പൂർത്തിയാക്കേണ്ടതുണ്ട്.