ലേഡീ ബിസിനസുകാർ തൊഴിലവസരങ്ങൾ സൃഷ്ടിയ്ക്കുന്നവരും ആണ്

ന്യൂഡൽഹി: രാജ്യത്തെ ലേഡി ബിസിനസുകാ‍ര്‍ ബോൾഡാണ്. കൂടുതൽ തൊഴിലവസരങ്ങൾ സൃഷ്ടിയ്ക്കാൻ ശേഷിയുള്ളവരും. 2030-ഓടെ 15-17 കോടി തൊഴിലവസരങ്ങൾ വനിതാ സംരംഭക‍ര്‍ക്ക് മാത്രം സൃഷ്ടിക്കാൻ കഴിയുമെന്ന് റിപ്പോർട്ട്. മൊത്തം സൃഷ്ടിയ്ക്കപ്പെടുന്ന 30 ശതമാനത്തോളം തൊഴിലവസരങ്ങൾ വരും ഇത്.

രാജ്യത്തെ മൊത്തം സംരംഭങ്ങളുടെ 20 ശതമാനത്തോളമാണ് ഇപ്പോൾ വനിതകൾ നയിക്കുന്നത്. 1.35- 1.57 കോടി സംരംഭങ്ങളോളം വരും ഇത്. ഇന്ത്യയിലെ വനിതാ സംരംഭകത്വം സംബന്ധിച്ച റിപ്പോ‍ര്‍ട്ടിലാണ് പരാമര്‍ശം.

Also Read: കൊറൊണ; വിൽപ്പന പ്രതിസന്ധി നേരിട്ട് ആപ്പിൾ

അതേസമയം, തൊഴിൽ ശക്തി എന്ന നിലയിൽ കഴിഞ്ഞ ഒരു പതിറ്റാണ്ടിൽ രാജ്യത്തെ സാമ്പത്തിക വള‍ര്‍ച്ചയ്ക്ക് സംഭാവന നൽകുന്ന സ്ത്രീകളുടെ എണ്ണം കുറഞ്ഞു. തൊഴിലിടങ്ങളിലെ സമ്മ‍ര്‍ദ്ദവും, സാങ്കേതിക വിദ്യയിലെ ഡിസ്റപ്ഷനും ഉൾപ്പെടെയുള്ള സംഗതികൾ ഇതിന് കാരണമായിട്ടുണ്ട്.