'വണ്ടര്‍ലാ' പുതിയ ലോഗോ പുറത്തിറക്കി

കൊച്ചി: അമ്യൂസ്‌മെന്റ് സേവന ദാതാക്കളായ വണ്ടര്‍ലാ ഹോളിഡേഴ്‌സ് പുതിയ ബ്രന്‍ഡ് മേല്‍വിലാസവുമായി സമഗ്ര പ്രചാരണ പരിപാടിക്ക് തുടക്കം കുറിച്ചു. ഒരു ദശാബ്ദത്തിലേറെയായി രാജ്യത്തെ മുന്‍നിര ത്രില്‍ സ്‌റ്റേഷന്‍ എന്ന പദവിയുമായി മൂന്നേറുന്ന വണ്ടര്‍ലാ ഒരു സമ്പൂര്‍ണ വിനോദ, ആതിഥേയ ബ്രാന്‍ഡ് എന്ന നിലയില്‍ രാജ്യം മുഴുവന്‍ വ്യാപിപ്പിക്കുവാനുള്ള തയ്യാറെടുപ്പിലാണ്. ഇതിന്റെ ഭാഗമായി പുതിയ ലോഗോ കൊച്ചിയില്‍ നടന്ന ചടങ്ങില്‍ പുറത്തിറക്കി. ശക്തിയില്‍ നിന്ന് കൂടുതല്‍ ശക്തിയിലേക്ക് വണ്ടര്‍ലാ നീങ്ങുന്നതാണ് കഴിഞ്ഞ ദശാബ്ദത്തില്‍ കണ്ടതെന്ന് പുതിയ പദ്ധതികളെ കുറിച്ച് സംസാരിക്കവെ വണ്ടര്‍ലാ ഹോളിഡേയ്‌സ് മാനേജിംഗ് ഡയറക്ടര്‍ അരുണ്‍ കെ ചിറ്റിലപ്പിള്ളി ചൂണ്ടിക്കാട്ടി.

വളരെ ശക്തമായ ജനപിന്തുണയുമായാണ് നിലവിലുള്ള പാര്‍ക്കുകളായ കൊച്ചിയും ബാംഗ്‌ളൂരും അതോടൊപ്പം പുതിയ പാര്‍ക്കായ ഹൈദരാബാദും മുന്നോട്ട് പോകുന്നതെന്നും അദ്ദേഹം പറഞ്ഞു. ആഗോള തലത്തില്‍ തന്നെ ഈ മേഖലയില്‍ ഏറ്റവും മികച്ച പ്രകടനം കാഴ്ചവെക്കുന്ന കമ്പനികളിലൊന്നാണ് തങ്ങളുടേതെന്നെും അരുണ്‍ കെ ചിറ്റിലപ്പിള്ളി പറഞ്ഞു. വണ്ടര്‍ലായെ ഒരു ദേശീയ വിനോദ ആതിഥേയ ബ്രാന്‍ഡായി വളര്‍ത്തിയെടുക്കുകയാണ് ലക്ഷ്യം. പുതിയ പദ്ധതികളുടെ അടിസ്ഥാനത്തില്‍ വണ്ടര്‍ലായുടെ പുതിയ ബ്രാന്‍ഡ് പ്രചാരണ പരിപാടി ഇന്ന് മുതല്‍ പുറത്തിറങ്ങുമെന്നും അദ്ദേഹം പറഞ്ഞു. ഡെന്‍സു ഏജീസ് നെറ്റ് വര്‍ക്കിന് കീഴിലുള്ള ഹാപ്പി മാക്ഗാരിബോവന്‍ ആണ് പുതിയ പ്രചാരണ പരിപാടികള്‍ തയ്യാറെടുക്കുന്നത്. ശാശ്വതിദാസ്, കാര്‍ത്തിക് അയ്യര്‍ എന്നിവര്‍ ചടങ്ങില്‍ പങ്കെടുത്തു.

Wonderla unveils new brand identity
India’s leading amusement park operator, Wonderla Holidays, has unveiled a new brand identity to reposition Wonderla as a complete entertainment and hospitality brand that goes much beyond its core offering of high-thrill rides, water rides and kids rides.