ഇനി വുഡ്‍ലാൻഡ് സ്റ്റോറുകൾ കുറയും; ബിസിനസ് ഓൺലൈനിലേയ്ക്ക്

ന്യൂഡൽഹി: വൂഡ്‍ലാൻഡ് ഷൂസുകളുടെയും ചെരുപ്പുകളുടെയും നിര്‍മാതാക്കൾ ആയ എയറോ ക്ലബ് ഓൺലൈൻ ബിസിനസിൽ കൂടുതൽ ശ്രദ്ധ കേന്ദ്രീകരിയ്ക്കാൻ ഒരുങ്ങുകയാണ്.ഓഫ്‍ലൈൻ സ്റ്റോറുകൾ കുറച്ചു കൊണ്ടായിരിയ്ക്കും കമ്പനി ഓൺലൈൻ ബിസിനസിൽ ചുവടുറപ്പിയ്ക്കുന്നത്. കമ്പനി മാനേജിങ് ഡയറക്ടര്‍ ഹര്‍കിരത് സിങ് ആണ് ഇക്കാര്യം വ്യക്തമാക്കിയത്.

പാദരക്ഷകൾ മാത്രമല്ല വുഡ്‍ലാൻഡ് എന്ന ബ്രാൻഡിന് കീഴിൽ വസ്ത്രങ്ങളും ആക്സസറീസും എയറോക്ലബ് വിൽക്കുന്നുണ്ട്. രാജ്യമെമ്പാടുമുള്ള റീട്ടെയ്‍ൽ സ്റ്റോറുകൾ കുറച്ച് കമ്പനിയുടെ ഓൺലൈൻ സാന്നിധ്യം കൂട്ടാൻ ആണ് പദ്ധതി.
Also Read: ഡിസൈനര്‍ സ്റ്റുഡിയോയിൽ വെര്‍ച്വൽ ഷോപ്പിങ് അനുഭവങ്ങൾ ഒരുക്കി സരിത ജയസൂര്യ

കൊവിഡ് പ്രതിസന്ധി മൂലം ബിസിനസ് കുറഞ്ഞത് ഉൾപ്പെടെ പരിഗണിച്ചാണ് നടപടി.
രാജ്യത്ത് ഉടനീളം 600 സ്റ്റോറുകളാണ് വുഡ്‍ലാൻഡിനുള്ളത്. ബിസിനസ് മാറ്റത്തിൻെറ ഭാഗമായി എത്ര സ്റ്റോറുകൾ അടച്ചു പൂട്ടുമെന്ന് കമ്പനി വ്യക്തമാക്കിയിട്ടില്ല.

ലോക്ക്ഡൗൺ കാലത്ത് ഉൾപ്പെടെ ആളുകൾ പുറത്തിറങ്ങാതെ ആയത് ഓഫ്‍ലൈൻ ബിസിനസ് കുറച്ചു. അതേസമയം ഓൺലൈനിലൂടെയുള്ള വിൽപ്പനയിൽ 40 ശതമാനത്തോളം വര്‍ധനയുണ്ട്. ഇതാണ് ഓൺലൈനിൽ കൂടുതൽ ശ്രദ്ധ കേന്ദ്രീകരിയ്ക്കാൻ കമ്പനിയെ പ്രേരിപ്പിയ്ക്കുന്നത്. വിവിധ ഇ-കൊമേഴ്സ് പ്ലാറ്റ്‍ഫോമുകളിൽ ഉത്പന്നങ്ങൾ ലഭ്യമാണ്. ഇത് കൂടുതൽ വിപുലീകരിയ്ക്കും