ലോകത്തിലെ ഏറ്റവും വിലകൂടിയ 'കുഞ്ഞൻ മരം' ഇവിടുണ്ട്; വില 9.66 കോടി രൂപ

ലോകത്തിലെ ഏറ്റവും വലിയ മരം എന്നു കേൾക്കുമ്പോൾ എല്ലാവരുടേയും മനസിൽ തെളിയുന്ന ചിത്രം ഒരു പടുകൂറ്റൻ വടവൃക്ഷത്തിന്റെ ആകുമല്ലേ. എന്നാൽ തെറ്റി ഇത്തിരി കുഞ്ഞൻ ബൊൺസായ് വൃക്ഷമാണ് ഈ ഖ്യാതി സ്വന്തമാക്കിയിരിക്കുന്നത്. ഒരു സാധാരണ വൃക്ഷത്തിന്റെ ചില്ലയുടെ നീളം പോലും ഈ വൃക്ഷത്തിന് ഇല്ല. ജപ്പാനിലെ തകാമത്സുവിൽ നടന്ന അന്താരാഷ്ട്ര ബോൺസായ് കൺവെൻഷനിൽ 9.66 കോടി രൂപയ്ക്ക് വാങ്ങിയ ജാപ്പനീസ് പഴയ പൈൻ ബോൺസായ് മരമാണ് നിലവിലെ ലോകത്തിലെ ഏറ്റവും വിലകൂടിയ വൃക്ഷം.

ബോൺസായ് മരങ്ങൾ വളരെ വിലപ്പെട്ടതാണ്, പ്രത്യേകിച്ചും അവ പ്രായമാകുന്തോറും ജീവനോടെ നിലനിർത്താൻ ബുദ്ധിമുട്ടാണെന്നതു കൊണ്ടു തന്നെ. അതിനാൽ പഴകുന്തോറും വീര്യം കൂടുമെന്ന പഴമൊഴി ബോൺസായ് വൃക്ഷങ്ങൾക്ക് അനുയോജ്യമാണ്. ബോൺസായ് ഒരു ഇനം മരമല്ല, മറിച്ച് ഒരു പാത്രത്തിൽ മരങ്ങളെ ക്രമീകരിച്ചു വളർത്തുന്ന രീതിയാണ്. ജപ്പാൻ ആണ് ബൊൺസായികൾക്കു പേരുകേട്ടത്. വർഷങ്ങളുടെ പരിശ്രമഫലമായാണ് ഒരോ ബോൺസായ് മരങ്ങളും സൃഷ്ടിക്കപ്പെടുന്നത്. ബോൺസായ് വൃക്ഷങ്ങളുടെ ഉത്ഭവം സംബന്ധിച്ച് ഇപ്പോഴും രാജ്യാന്തര വിപണിയിൽ വാക്പോര് ശക്തമാണ്. ചൈനയാണ് ബോൺസായ് വിദ്യ കണ്ടെത്തിയതെന്നും ജപ്പാൻ ഇവയെ പരിപാലിച്ച് പ്രശസ്തി നേടുകയായിരുവെന്നുമാണ് വാദങ്ങൾ.

റേഷന്‍ കാര്‍ഡിലെ തെറ്റുകള്‍ നാളെ മുതല്‍ തിരുത്താം; ആനുകൂല്യങ്ങള്‍ സംരക്ഷിക്കാം
ആദ്യകാലങ്ങളിൽ വിവിധ നിറങ്ങളിലുള്ള പൈൻ മരങ്ങളും ചില തെരഞ്ഞെടുത്ത വൃക്ഷങ്ങളിലും മാത്രമാണ് ബോൺസായ് വിദ്യ പ്രയോഗിച്ചിരുന്നത്. എന്നാൽ ഇന്ന് ഒട്ടുമിക്ക എല്ലാ സസ്യങ്ങളിലും ബോൺസായ് വിദ്യ പ്രയോഗിക്കുന്നുണ്ട്. വളർത്തിയെടുക്കാനുള്ള ബുദ്ധിമുട്ടും പരിപാലനച്ചെലവും ബോൺസായ് വൃക്ഷങ്ങളുടെ വില കുതിക്കാനുള്ള കാരണങ്ങളാണ്. കൂടാലത കാലപ്പഴക്കവും തലമുറമാറ്റവും ബോൺസായ് വൃക്ഷങ്ങളുടെ വില നിർണയിക്കുന്ന പ്രധാന ഘടകങ്ങളാണ്. ഉദാഹരണത്തിന്, ലോകത്ത് 400 വർഷം പഴക്കമുള്ള ഒരു ബോൺസായ് മരമുണ്ട്. ജപ്പാനിലെ യമാകി കുടുംബമാണ് ഈ മരം പരിപാലിച്ചു വരുന്നത്. ഹിരോഷിമ, നാഗസാക്കി ബോംബാക്രമണങ്ങളെ അതിജീവിച്ച മരമാണിത്. ഇന്നും വലിയ പരിക്കുകളില്ലാതെ നിലനിൽക്കുന്നു. ഈ മരത്തിനു നിലവിലെ സാഹചര്യത്തിൽ 10 ലക്ഷം ഡോളറിലധികം വില വരുമെന്നാണു വിലയിരുത്തൽ.