ഷവോമി ഗൃഹോപകരണ വിപണിയിലും സാന്നിധ്യം ശക്തമാക്കിയേക്കും
ഉത്പന്ന വൈവിധ്യവല്ക്കരണത്തിലൂടെ ഇന്ത്യയിലെ ഇലക്ട്രോണിക്സ് ഉത്പന്നങ്ങളുടെ വിപണിയില് ആധിപത്യം ഉറപ്പിക്കാന് ഷവോമി തയ്യാറെടുക്കുന്നു.
Samayam Malayalam 18 Sept 2019, 3:33 pm
ചൈനീസ് ഇലക്ട്രോണിക്സ് ഉത്പന്ന നിര്മാതാക്കളായ ഷവോമി ഇന്ത്യയില് ഗൃഹോപകരണ വിപണിയില് ഉള്പ്പെടെ സാന്നിധ്യം ശക്തമാക്കാന് ഒരുങ്ങുന്നു. ഇന്ത്യന് സ്മാര്ട്ട് ഫോണ് വിപണി കീഴടക്കിയതിന് പിന്നാലെ
മറ്റ് വിപണികളിലേക്കും സാന്നിധ്യം വിപുലീകരിക്കുകയാണ് ലക്ഷ്യം. അത്യാധുനിക സെക്യൂരിറ്റിക്യാമറകള്, ടെലിവിഷനുകള്, എയര് പ്യൂരിഫെയറുകള് തുടങ്ങിയവ കമ്പനി വിപണിയില് അവതരിപ്പിച്ചു കഴിഞ്ഞു.
40 ഇഞ്ച് മുതല് 65 ഇഞ്ച് വരെയുള്ള നാല് ടെലിവിഷന് മോഡലുകളാണ് കമ്പനി അവതരിപ്പിച്ചത്.
2020-ഓടെ കൂടുതല് ഉത്പന്നങ്ങള് കമ്പനി വിപണിയില് എത്തിച്ചേക്കും എന്നാണ് സൂചന. വാട്ടര് പ്യൂരിഫെയറുകളുടെ വിപണിയില് സാന്നിധ്യം ശക്തമാക്കാനും കമ്പനി പദ്ധതിയിടുന്നുണ്ട്. ഇതിന്റെ ഭാഗമായി അത്യാധുനിക മി വാട്ടര് പ്യൂരിഫെയറുകള് ഷവോമി വിപണിയില് എത്തിച്ചു.
മി സ്മാര്ട്ട് ബാന്ഡുകളുടെ പുതിയ നിരയും കമ്പനി പുറത്തിറക്കിയിട്ടുണ്ട്.നെറ്റ്ഫിക്സ്, ആമസോണ് പ്രൈം തുടങ്ങിയ കമ്പനികളുടെ സഹായത്തോടെയാണ് ഷവോമിയുടെ സ്മാര്ട്ട് ടി.വികള് ഇന്ത്യന് വിപണിയില് എത്തുന്നത്. ഷവോമി ഇന്ത്യന് വിപണിയില് 2019-ല് 3,500 കോടി ഡോളറിന്റെ നിക്ഷേപം നടത്തുമെന്ന് മാര്ച്ചില് പ്രഖ്യാപിച്ചിരുന്നു. നാല് വര്ഷം മുമ്പ് ഇന്ത്യന് വിപണിയില് എത്തിയതിന് ശേഷം ഷവോമി നടത്തുന്ന ഏറ്റവും വലിയ നിക്ഷേപം ആണ് ഈ വര്ഷത്തേത്.ഇന്ത്യയില് ഏറ്റവും കൂടുതല് സ്മാര്ട്ട് ഫോണുകള് വിറ്റഴിക്കുന്നത് ഷവോമിയാണ്.