14 രൂപ മൂല്യത്തിൽ സ്റ്റെല്ലര്‍
2021-ൽ നിക്ഷേപം നടത്താൻ പറ്റിയ ക്രിപ്റ്റോകളിൽ ഒന്നായി സ്റ്റെല്ലര്‍ ചൂണ്ടിക്കാട്ടപ്പെടുന്നുണ്ട്. ഓപ്പൺ സോഴ്‌സ് ബ്ലോക്ക്‌ചെയിൻ പേയ്‌മെന്റ് സംവിധാനമായ സ്റ്റെല്ലര്‍ എന്ന പ്ലാറ്റ്‍ഫോം കുറഞ്ഞ മൂല്യമുള്ള ക്രിപ്റ്റോയുമാണ്. 0.2 ഡോളര്‍ മാത്രമാണ് മൂല്യം. ഇത് കണ്ടെത്തിയതിന് ശേഷം 400 ശതമാനത്തിൽ അധികം പ്രതിവര്‍ഷ വളര്‍ച്ച നേടിയിട്ടുണ്ട്. ക്രിപ്റ്റോ കറൻസി സംരംഭകനും നിക്ഷേപകനുമായ ജെഡ് മക്കലെബ് 2014 ജൂലൈയിലാണ് സ്റ്റെല്ലാർ വികസിപ്പിച്ചത്. ബ്ലോക്ക് ചെയിൻ സാങ്കേതിക വിദ്യ ഉപയോഗിച്ച് വര്‍ധിച്ച് വരുന്ന ധനകാര്യ സേവന നിരക്കുകൾ കുറയ്ക്കുക എന്ന ലക്ഷ്യവുമുണ്ട്
ഐഒടിയിൽ അധിഷ്ഠിതമായ ഐഒടിഎ
നൂറ് രൂപയിൽ താഴെ മൂല്യമുള്ള മറ്റൊരു ക്രിപ്റ്റോ കറൻസിയാണ് ഐഒടിഎ. ഇൻറര്‍നെറ്റ് ഓഫ് തിങ്സ് സാങ്കതിക വിദ്യയിലെ ഇടപാടുകൾക്കായി വികസിപ്പിച്ചിരിക്കുന്നവയാണ് ഇവ. 0.8 ഡോളര്‍ മാത്രമാണ് മൂല്യം. 59.41 രൂപ വരുമിത്. എസൈക്ലിക് ഗ്രാഫ് ഉപയോഗിച്ച് നിര്‍മിച്ചിരിക്കുന്നതിനാൽ ബ്ലോക്ക് ചെയിൻ സാങ്കേതിക വിദ്യയിലെ ക്രിപ്റ്റോകളേക്കാൾ ശക്തമാണ് എന്നൊരു വാദവുമുണ്ട്. ഭാവിയിൽ മൂല്യം ഉയര്‍ന്നേക്കാം
സാധ്യതകളുമായി വിചെയിനും ബിറ്റൊറെൻറും ഡോഷ്കോയിനും
നൂറു രൂപയിൽ അല്ലെങ്കിൽ ഒരു ഡോളറിൽ താഴെ മാത്രം മൂല്യമുള്ള ക്രിപ്റ്റോ കറൻസികളിൽ ശ്രദ്ധേയമാണ് ഡോഷ്കോയിൻ. 2013-ൽ ആണ് ക്രിപ്റ്റോ കണ്ടെത്തിയതെങ്കിലും ഈ വര്‍ഷം എലൻ മസ്ക് വാങ്ങിയതോടെ മൂല്യം ഉയരുകയായിരുന്നു.50 രൂപയിൽ കൂടുതൽ മൂല്യം ഉയര്‍ന്നിരുന്ന ക്രിപ്റ്റോക്ക് ഇപ്പോൾ 0.2 ഡോളര്‍ ആണ് മൂല്യം എങ്കിലും വീണ്ടും ഇത് ഉയര്‍ന്നേക്കും. ക്രിപോറ്റോയിൽ പണം കളയാതെ നിക്ഷേപം നടത്താൻ ആഗ്രഹിക്കുന്നവര്‍ക്ക് വിചെയിനും പരീക്ഷിക്കാം.
0.65 ഡോളറാണ് മൂല്യം ഇപ്പോൾ മൂല്യം കുറവാണ് എന്നതും മൂല്യം ഇടിഞ്ഞേക്കാം എന്നതും വെല്ലുവിളിയാണ്. എന്നാൽ ഡിസ്ട്രിബ്യൂട്ടര്‍ ലെഡ്ജർ സാങ്കേതികവിദ്യയിൽ അടിസ്ഥാനമാക്കിയുള്ള ഇടപാടുകൾക്കും മറ്റുമായി പ്രത്യേകമായി രൂപകൽപ്പന ചെയ്തതാണ് വിചെയിൻ