എല്ലാ മൊബൈൽ നമ്പറുകളും മാറിയേക്കും; കാരണം ഇതാണ്

കൊച്ചി: രാജ്യത്ത് എല്ലാവർക്കും 11 അക്ക മൊബൈൽ നമ്പറുകൾ വന്നേക്കും. ടെലികോം റെഗുലേറ്ററി അതോറിറ്റി ഓഫ് ഇന്ത്യയാണ് ഇതു സംബന്ധിച്ച നി‍ര്‍ദേശം നൽകിയത്. ഫിക്സഡ് ലൈനുകളിൽ നിന്ന് മൊബൈൽ നമ്പറുകളിലേക്ക് വിളിയ്ക്കുമ്പോൾ 0 കൂടെ ചേര്‍ക്കണം എന്നും നിർദേശം ഉണ്ട്.

ഇൻറ‍ര്‍നെറ്റ് കണക്ടിവിറ്റിയ്ക്കായി ഉപയോഗിയ്ക്കുന്ന ഡോംഗിളുകൾക്കു നൽകുന്ന നമ്പറുകളും മാറിയേക്കും. 13 അക്ക നമ്പ‍റുകൾ ഡോംഗിളുകൾക്ക് നൽകും. നിലവിൽ 10 അക്ക നമ്പറുകളാണ് ഉപയോഗിയ്ക്കുന്നത്.

ടെലികോം മേഖലയിൽ ഏകീകൃത നമ്പ‍ര്‍ കൊണ്ടു വരുന്നതിൻെറ ഭാഗമായാണ് ട്രായിയുടെ നീക്കം. ലാൻഡ് ലൈൻ, മൊബൈൽ സ‍ര്‍വീസ് നമ്പരുകൾ അനുവദിയ്ക്കുന്നതിന് പുതിയ നി‍ര്‍ദേശങ്ങൾ സഹായകരമാകും. ഇതിൻെറ ഭാഗമായാണ് നടപടി. ഇത് രാജ്യത്ത് നിലവിലെ മൊബൈൽ നമ്പറുകൾ മാറുന്നതിന് കാരണമായേക്കും എന്ന് സൂചനയുണ്ട് .

Also Read: ഓൺലൈനിലൂടെ അധിക വരുമാനം ഉണ്ടാക്കാൻ ഈ വഴികൾ പരീക്ഷിയ്ക്കാം

പുതിയ നമ്പറുകൾക്ക് തുടക്കത്തിൽ 9 എന്ന നമ്പ‍ര്‍ കൂടെ അധികം വേണ്ടി വന്നേക്കും. ഇതുവരെ എസ്ടിഡി കോളുകൾക്കാണ് 0 ചേ‍ര്‍ക്കേണ്ടി ഇരുന്നതെങ്കിലും ഇനി മൊബൈൽ നമ്പറിനും ഇത് ബാധകമാകും. ലാൻഡ് ലൈൻ കണക്ഷനുകളിൽ നിലവിൽ ഉപയോഗത്തിൽ ഇല്ലാത്ത നമ്പറുകൾ മൊബൈൽ ഓപ്പറേറ്റർമാർക്ക് നൽകിയേക്കും എന്നും റിപ്പോർട്ടുകളുണ്ട്.