കൊച്ചി: ഓഹരി വിപണിയിൽ നിക്ഷേപം നടത്തുന്നവരുടെ എണ്ണം ഈ നാളുകളിൽ കൂടി വരുന്നുണ്ട്. റീട്ടെയില് നിക്ഷേപകര് മൊബൈല് ഫോണുകളിലൂടെ ഓഹരികള് വാങ്ങുകയും വില്ക്കുകയും ചെയ്യുന്നത് വര്ധിച്ചിരിക്കുകയാണ്. സ്മാര്ട്ട്ഫോണുകൾ വ്യാപകമായതും എളുപ്പത്തിൽ വ്യാപാരം ചെയ്യാന് സഹായിക്കുന്ന ബ്രോക്കറേജ് സ്ഥാപനങ്ങളുടെ മൊബൈല് ആപ്ളിക്കേഷന് വ്യാപകമായതും നിക്ഷേപകരെ മൊബൈല് ഫോണ് വഴിയുള്ള വ്യാപാരത്തിലേക്ക് നയിച്ചിട്ടുണ്ട്.
ഓൺലൈനിലൂടെ വ്യാപാരം നടത്താൻ ആവശ്യമായ ഘടകകങ്ങൾ എന്തൊക്കെയാണ്, എന്താണ് ഡീമാറ്റ് അക്കൗണ്ട് എന്നൊക്കെ അറിഞ്ഞിരിയ്ക്കാം.
ഓൺലൈനിലൂടെ വ്യാപാരം നടത്താൻ ആവശ്യമായ ഘടകകങ്ങൾ എന്തൊക്കെയാണ്, എന്താണ് ഡീമാറ്റ് അക്കൗണ്ട് എന്നൊക്കെ അറിഞ്ഞിരിയ്ക്കാം.
- എന്താണ് ഡീമാറ്റ് അക്കൗണ്ട് ?
നിങ്ങളുടെ പക്കലുള്ള ഓഹരികൾ അല്ലെങ്കില് ഓഹരി ഇടപാടുകള് ഇലക്ട്രോണിക് രൂപത്തില് രേഖപെടുത്തിവയ്ക്കുന്ന സംവിധാനമാണിത്. നിക്ഷേപങ്ങള് ബാങ്ക് അക്കൗണ്ടില് സൂക്ഷിക്കുന്നതു പോലെ ഓഹരികള് ഡീമാറ്റ് അക്കൗണ്ടിലാണ് വരവ് വയ്ക്കുന്നത് .ഓഹരി വാങ്ങൽ, വിവിധ കമ്പനികളുടെ പ്രാഥമിക ഓഹരി വില്പ്പനയില് പങ്കെടുക്കൽ തുടങ്ങി ഓഹരി വിപണിയുമായി ബന്ധപ്പെട്ട എല്ലാ ഇടപാടുകള്ക്കും ഡീമാറ്റ് അക്കൗണ്ട് കൂടിയേ തീരൂ. നിക്ഷേപകര് നേരിട്ടല്ല ഓഹരി ബ്രോക്കര്മാര് വഴിയാണ് ഡീമാറ്റ് അക്കൗണ്ടുകള് തുടങ്ങേണ്ടത്. - ഡീമാറ്റ് അക്കൗണ്ട് തുറക്കാൻ ആവശ്യമായ രേഖകൾ?
പാന് കാര്ഡ്,അഡ്രസ് പ്രൂഫ്, ഐഡന്റിറ്റി പ്രൂഫ് (ആധാര്), അക്കൗണ്ട് നമ്പര്, ആറു മാസത്തെ ബാങ്ക് സ്റ്റേറ്റേറ്റ്മെന്റ്, ക്യാന്സല് ചെയ്ത ചെക്ക്, പാസ്പോര്ട്ട് സൈസ് ഫോട്ടോ എന്നിവ നൽകിയാൽ ബ്രോക്കറേജ് സ്ഥാപനങ്ങൾ മുഖേന ഡീമാറ്റ് അക്കൗണ്ട് തുറക്കാം. വിവിധ സ്ഥാപനങ്ങളുടെ സഹായത്തോടെ ഓൺലൈനിലും ഇത് സാധ്യമാണ്. അപേക്ഷാ ഫോം പ്രോസസ്സ് ചെയ്തുകഴിഞ്ഞാൽ, നിങ്ങളുടെ അക്കൗണ്ട് നമ്പറും യുഐഡിയും ലഭിക്കും. - ഓൺലൈനിലൂടെ എങ്ങനെ അക്കൗണ്ട് തുറക്കാം?
ബ്രോക്കറേജ് സ്ഥാപനങ്ങളുടെ പ്ലാറ്റ്ഫോമിലൂടെ അടിസ്ഥാന വിവരങ്ങള് നല്കി സൈന് അപ്പ് ചെയ്യുകഡോക്യുമെൻറുകളുടെ സ്കാന് ചെയ്ത പകര്പ്പുകള് (ആധാര്, പാന്, റദ്ദാക്കിയ ചെക്ക്, നിങ്ങളുടെ ഏറ്റവും പുതിയ ബാങ്ക് സ്റ്റേറ്റ്മെന്റ്) അപ്ലോഡു ചെയ്യണ്ടതായി വരും. ആധാര് വിശദാംശങ്ങളും ലിങ്കുചെയ്ത മൊബൈല് നമ്പറില് നിങ്ങള്ക്ക് ലഭിക്കുന്ന ഒടിപിയും നല്കുക. ഓഫ്ലൈന് അക്കൗണ്ട് തുറക്കുമ്പോൾ ബ്രോക്ക അക്കൗണ്ട് തുറക്കുന്നതിനായുള്ള ഫോം കൈമാറും. പൂരിപ്പിച്ച ഫോം ഐഡി പ്രൂഫ്, അഡ്രസ് പ്രൂഫ് എന്നിവ സഹിതം അറ്റാച്ചുചെയ്യേണ്ടതുണ്ട്. ഉചിതമായ രേഖകളുടെ ഫോട്ടോകോപ്പികള് ഉപയോഗിച്ച് തെളിവുകള് സമര്പ്പിക്കാം. - മൊബൈലിലൂടെ വ്യാപാരം നടത്താമോ?
നടത്താം. സെബി 2010 ആഗസ്റ്റിലാണ് മൊബൈല് വ്യാപാരം ആരംഭിക്കാന് ബ്രോക്കര്മാരെ അനുവദിച്ചത്. 2020 ജനുവരി- ജൂലൈ കാലയളവില് മാത്രം ഇന്ത്യയിലെ മുന്നിര ബ്രോക്കറേജു സ്ഥാപനങ്ങളുടെ ഇടപാടുകാരുടെ എണ്ണത്തില് ഏകദേശം 45-50 ശതമാനം വര്ധനയാണുണ്ടായിതെന്ന് അപ്സ്റ്റോക്സിന്റെ സഹസ്ഥാപകനും സിഇഒയുമായ രവി കുമാര് വ്യക്തമാക്കി.