സ്വര്‍ണം വിൽക്കുന്നുണ്ടോ? ആദായ നികുതി അറിയാതിരിയ്ക്കരുത്

കൊച്ചി: കൈയിലുള്ള സ്വര്‍ണാഭരണങ്ങൾ വിറ്റാൽ നികുതി ബാധ്യതയുണ്ടോ എന്നതാണ് മിക്കവരുടെയും സംശയം. കൈവശം വെച്ച സ്വര്‍ണാഭരണങ്ങൾ അല്ലെങ്കിൽ സ്വര്‍ണം വര്‍ഷങ്ങൾക്കു ശേഷം വിൽക്കുമ്പോൾ അതിൽ നിന്ന് ലാഭം ഉണ്ടെങ്കിൽ തീര്‍ച്ചയായും മൂലധന നേട്ടത്തിന് നികുതി നൽകേണ്ടി വരും. മൂന്നു വര്‍ഷത്തിനുള്ളിലോ അതിൽ കൂടുതലോ കൈവശം വെച്ച സ്വര്‍ണം വിൽക്കുമ്പോഴാണ് ഇതു ബാധകമാകുക.

ഹ്രസ്വകാല മൂലധന നേട്ടമാണോ, ദീര്‍ഘകാല മൂലധന നേട്ടമാണേ സ്വര്‍ണത്തിൽ നിന്ന് ലഭിച്ചത് എന്നതിനെ അടിസ്ഥാനമാക്കിയാണ് നികുതിയായി എത്ര ശതമാനമാണ് നൽകേണ്ടത് എന്ന് നിശ്ചയിക്കുക. 5-28 ശതമാനം വരെ ഇത്തരത്തിൽ നികുതി ഈടാക്കാറുണ്ട് എന്നത് ശ്രദ്ധേയമാണ്.
സ്വര്‍ണാഭരണങ്ങൾ, ഗോൾഡ് കോയിനുകൾ, ബുള്ള്യനുകൾ എന്നിവയുടെ എല്ലാം വിൽപ്പനയ്ക്ക് ഇത് ബാധകമാണ്.

Also Read: സൗജന്യമായി സിബിൽ സ്കോര്‍ അറിയണോ? ഒട്ടേറെയുണ്ട് വഴികൾ

അഞ്ചു ശതമാനം മുതൽ 30 ശതമാനം വരെ നികുതിയാണ് ഹ്രസ്വകാല മൂലധന നേട്ടത്തിന് നൽകണ്ടതായി വരിക. വാര്‍ഷിക വരുമാനത്തെ മുൻനിര്‍ത്തിയുള്ള നികുതി സ്ലാബ് അനുസരിച്ചാണ് എത്ര ശതമാനം നികുതി നൽകേണ്ടി വരുമെന്ന് തീരുമാനിയ്ക്കുക. മൂന്നു വര്‍ഷത്തിൽ അധികം കൈവശം വെച്ച സ്വര്‍ണത്തിന് ദീര്‍ഘകാല മൂലധന നേട്ടം അനുസരിച്ചുള്ള നികുതിയാണ് ഈടാക്കുക.