ആഗസ്റ്റ് 1 മുതൽ മിനിമം ബാലൻസ് വ്യവസ്ഥകളിൽ മാറ്റം; ട്രാൻസാക്ഷൻ നിരക്ക് ഉയരും

കൊച്ചി: അക്കൗണ്ടിൽ മിനിമം ബാലൻസ് നില നിര്‍ത്തിയിട്ടുണ്ടോ? ആഗസ്റ്റ് ഒന്നു മുതൽ മിനിമം ബാലൻസ് നിബന്ധനകളിൽ ചില ബാങ്കുകൾ മാറ്റം വരുത്തുന്ന. ബാങ്ക് ഓഫ് മഹാരാഷ്ട്ര, ആക്സിസ് ബാങ്ക്,കോട്ടക് മഹീന്ദ്ര ബാങ്ക്, ആര്‍ബിഎൽ ബാങ്ക് എന്നിവയുടെ മിനിമം ബാലൻസ് നിയമങ്ങളാണ് മാറുന്നത്.

ബാങ്ക് ഓഫ് മഹാരാഷ്ട്രയുടെ മെട്രോ നഗരങ്ങളിലെയും നഗരങ്ങളിലെയും മിനിമം ബാലൻസ് തുക ആഗസ്റ്റ് 1 മുതൽ 2,000 രൂപയായിരിക്കും. മുമ്പ് ഇത് 1,500 രൂപയായിരുന്നു. 2,000 രൂപയിൽ താഴെയാണ് നിക്ഷേപം എങ്കിൽ 75 രൂപയായിരിക്കും മെട്രോ നഗരങ്ങളിൽ ഉൾപ്പെടെ പിഴ ഈടാക്കുക. അര്‍ദ്ധ നഗരങ്ങളിലും ഗ്രാമ പ്രദേശങ്ങളിലും ഇത് 20 രൂപയായിരിക്കും.

Also Read: ഏറ്റവും ചുരുങ്ങിയ കാലം കൊണ്ട് മികച്ച റിട്ടേൺ തരുന്ന മ്യൂച്വൽ ഫണ്ടുകൾ ഏതാണ്?

കറൻറ് അക്കൗണ്ടുകളിൽ 5000 രൂപയാണ് പ്രതിമാസം നിലനിര്‍ത്തേണ്ടത്. ഒരു മാസം 3-4 സൗജന്യ പണം ഇടപാടുകൾക്ക് ശേഷം ബാങ്കിലെ പണം ഡിപ്പോസിറ്റുകൾക്കും പിൻവലിയ്ക്കലുകൾക്കും 100 രൂപ ട്രാൻസാക്ഷൻ ഫീസ് ഈടാക്കുന്നതും ചില ബാങ്കുകൾ പ്രഖ്യാപിച്ചിട്ടുണ്ട്. മഹാരാഷ്ട്ര ബാങ്ക്, ആക്സിസ് ബാങ്ക്, കോട്ടക് മഹീന്ദ്ര ബാങ്ക് എന്നിവയുടെ ക്യാഷ് ഹാൻഡ്‍ലിങ് നിരക്കുകളിൽ മാറ്റം ഉണ്ടായിരിക്കും എന്ന് വിവിധ റിപ്പോര്‍ട്ടുകൾ സൂചിപ്പിയ്ക്കുന്നു.