ഗോൾഡ് മോണിറ്റൈസേഷൻ; സ്വർണത്തിനു ലഭിയ്ക്കും പലിശ

കൊച്ചി: സ്വ‍ര്‍ണം കൈവശമുള്ളവ‍ര്‍ക്ക് മികച്ച പലിശ വാഗ്ദാനം ചെയ്യുന്ന കേന്ദ്ര സ‍ര്‍ക്കാര്‍ പദ്ധതിയാണ് ഗോൾഡ് മോണിറ്റൈസേഷൻ സ്കീം. കൈവശമുള്ള സ്വ‍ര്‍ണം പദ്ധതിയിൽ നിക്ഷേപിച്ചാൽ പലിശ ലഭിയ്ക്കും എന്നതാണ് പ്രധാന മെച്ചം. സ്ഥിര നിക്ഷേപത്തിനും മറ്റും പലിശ ലഭിയ്ക്കുന്നതു പോലെ സ്വ‍ര്‍ണത്തിന് പലിശ നൽകുന്ന പദ്ധതിയാണിത്. ബാറുകളായോ നാണയങ്ങൾ ആയോ ആഭരണങ്ങൾ ആയോ ഈ പദ്ധതിയിൽ നിക്ഷേപിയ്ക്കാം. കുറഞ്ഞത് 30 ഗ്രാമാണ് നിക്ഷേപിയ്‍ക്കേണ്ടത്. പരമാവധി നിക്ഷേപത്തിന് പരിധി ഇല്ല.

നിക്ഷേപം കാലാവധി എത്തുമ്പോൾ സ്വ‍ര്‍ണത്തിൻെറ അധിക മൂല്യത്തിന് അനുസരിച്ച് അധിക നേട്ടം കൈവരിയ്ക്കാം എന്ന മെച്ചവുമുണ്ട്. ഒരു വ‍ര്‍ഷം മുതൽ 15 വ‍ര്‍ഷം വരെയുള്ള വിവിധ കാലാവധിയിൽ ഈ സ്വ‍ര്‍ണ നിക്ഷേപം നടത്താനാകും. നിക്ഷേപം പിൻവലിയ്ക്കുന്ന കാലയളവിലെ സ്വർണ വില തിരികെ ലഭിയ്ക്കും. കുറഞ്ഞ കാലയളവിലാണ് നിക്ഷേപം എങ്കിൽ സ്വർണമായും ലഭിയ്ക്കും.

Also Read: അഞ്ചു ശതമാനം ക്യാഷ് ബാക്ക് ഓഫർ ചെയ്തും ഗോൾഡ് ലോണുകൾ

പലിശ നിരക്ക് ഇങ്ങനെ


നിക്ഷേപ കാലാവധി ഏഴു വർഷം മുതൽ 15 വർഷം വരെയാണെങ്കിൽ 2.50 ശതമാനം പലിശ ലഭിയ്ക്കും. സ്വർണത്തിൻെറ ഉയർന്ന മൂല്യത്തിന് അനുസരിച്ച് മികച്ച നേട്ടം കൈവരിയ്ക്കാൻ ഉപഭോക്താക്കളെ സഹായിക്കുന്നതാണ് പദ്ധതി.