വായ്പാ മോറട്ടോറിയത്തിന് പ്രത്യേക അപേക്ഷേ വേണോ? ഇക്കാര്യങ്ങൾ അറിയാം

കൊച്ചി: വായ്പാ മോറട്ടോറിയം ലഭിയ്ക്കണമെങ്കിൽ സാധാരണയായി ബാങ്കിൽ പ്രത്യേക അപേക്ഷ നൽകേണ്ടി വരാറുണ്ട്. എന്നാൽ കൊവിഡ് 19 മായി ബന്ധപ്പെട്ട് ആ‍ര്‍ബിഐ പ്രഖ്യാപിച്ചിരിയ്ക്കുന്ന മൊറട്ടോറിയത്തിൻറെ ആനുകൂല്യം ലഭിയ്ക്കാൻ പ്രത്യേക അപേക്ഷ നൽകേണ്ടി വരില്ലെന്ന് സൂചന.

ബാങ്കുകൾ സ്വന്തമായി മോറട്ടോറിയം ലഭ്യമാക്കിയേക്കും. വായ്പാ പുനക്രമീകരണവും ബാങ്ക് തന്നെ നിർവഹിച്ചേക്കും. സംസ്ഥാന ബാങ്കേഴ്സ് സമിതി ഉൾപ്പെടെ ഇതു സംബന്ധിച്ച സൂചനയാണ് നൽകുന്നത്. മാ‍ച്ച്, ഏപ്രിൽ,മെയ് മാസങ്ങളിലാണ് മോറട്ടോറിയം ലഭിയ്ക്കുക. ഈ മൂന്ന് മാസങ്ങളിൽ വായ്പാ തിരിച്ചടവിന് സാവകാശം ലഭിയ്ക്കുമെങ്കിലും വായ്പാ കാലാവധി മൂന്നു മാസം കൂടെ നീളും.

Also Read: വായ്പാ മോറട്ടോറിയം; എല്ലാ ഇഎംഐക്കും ഇളവുണ്ടോ? ഇക്കാര്യങ്ങൾ അറിയാം

ഭവന വായ്പ, വാഹന വായ്പ, വിദ്യാഭ്യാസ വായ്പ, വ്യക്തിഗത വായ്പ തുടങ്ങി ചെറുതും വലുതുമായ എല്ല ടേം, റീട്ടെയ്ൽ ലോണുകൾക്കും മോറട്ടോറിയം ലഭ്യമാണ്. ടിവി, മൊബൈൽ തുടങ്ങിയ കൺസ്യൂമർ ഉത്പന്നങ്ങളുടെ വായ്പകളും ഇതിൽ ഉൾപ്പെടുത്തിയിട്ടുണ്ട്.