ഹാൾമാര്ക്കിങ് ഉറപ്പാക്കാം
ഓരോ യൂണിറ്റിലും ഉള്ള സ്വര്ണത്തിൻെറ അളവ് അനുസരിച്ച് കാരറ്റ് നിര്ണയിക്കുന്നതു പോലെ സ്വര്ണത്തിൻെറ ഹാൾമാര്ക്കിങും പ്രധാനമാണ് . ഗോൾഡ് കോയിനും ഹാൾമാര്ക്കിങ് ഉറപ്പാക്കാം. ബിഐഎസ് ഹാൾമാര്ക്ക് മുദ്രയുള്ള ഗോൾഡ് കോയിനുകൾ വാങ്ങാം.
ബിഐഎസ് ലോഗോ, സ്വര്ണത്തിൻെറ ശുദ്ധത തുടങ്ങിയവ ഉൾപ്പെട്ടതായിരിക്കും ഹാൾമാര്ക്കിങ് മുദ്ര. 2021 മുതൽ രാജ്യത്ത് വിൽക്കുന്ന എല്ലാ സ്വര്ണത്തിനും ബിഐഎസ് ഹാൾമാര്ക്കിങ് നിര്ബന്ധമാകും. ഗോൾഡ് കോയിനുകൾക്ക് കേടുപാടുകൾ സംഭവിയ്ക്കാതെ ജ്വല്ലറി ഉടമകൾ നൽകുന്ന പ്രത്യേക പാക്കിങ് തന്നെ ഗോൾഡ് കോയിന് ഉറപ്പാക്കാം.
Also Read: ഏറ്റവും കുറഞ്ഞ പലിശയിൽ ഗോൾഡ് ലോൺ ലഭിയ്ക്കുന്നത് എവിടെ?
ഗോൾഡ് കോയിനുകൾ വാങ്ങാൻ ആകുന്നത് എവിടെ നിന്നൊക്കെ?
.5 ഗ്രാം മുതൽ 50 ഗ്രാം മുതലുള്ള സ്വര്ണ നാണയങ്ങൾ ലഭ്യമാണ്. ജ്വല്ലറികളിൽ നിന്നു മാത്രമല്ല ഓൺലൈൻ ഇ ടെയ്ലര്മാരിൽ നിന്നും ബാങ്കുകളിൽ നിന്നും, സ്റ്റോക്ക് ഹോൾഡിങ് കോര്പ്പറേഷനിൽ നിന്നും എല്ലാം ഗോൾഡ് കോയിനുകൾ വാങ്ങാൻ ആകും.മുത്തൂറ്റ് പോലുള്ള ബാങ്ക് ഇതര ധനകാര്യസ്ഥാപനങ്ങളും സ്വര്ണ നാണയങ്ങൾ നൽകുന്നുണ്ട്.
അതേസമയം ബാങ്കിൽ നിന്നാണ് സ്വര്ണ നാണയം വാങ്ങുന്നത് എങ്കിൽ ഇത് ബാങ്കുകൾ തിരിച്ച് വാങ്ങില്ല. ആവശ്യഘട്ടങ്ങളിൽ ഇത് ജ്വല്ലറികളിൽ തന്നെ വിൽക്കേണ്ടതായി വരും. കാനറാബാങ്ക് പോലുള്ള ബാങ്കുകൾ 24 കാരറ്റിൻെറ 5ഗ്രാം, എട്ടു ഗ്രാം, 10 ഗ്രാം വീതമുള്ള സ്വര്ണ നാണയങ്ങൾ ലഭ്യമാക്കുന്നുണ്ട്.