വാണിജ്യപരവും വ്യക്തിപരവുമായ ഡ്രൈവിങ് ലൈസന്‍സ്
ജൂലൈ ഒന്നു മുതല്‍ അംഗീകൃത ഡ്രൈവിങ് പരിശീലന സ്‌കൂളുകള്‍ വഴി ആളുകള്‍ക്കു ഡ്രൈവിങ് ലൈസന്‍സിന് അപേക്ഷിക്കാം. ഇവര്‍ നടത്തുന്ന പരീക്ഷയില്‍ വിജയിക്കുന്നവര്‍ക്ക് സ്‌കൂള്‍ ഒരു സര്‍ട്ടിഫിക്കറ്റ് നല്‍കും. ഈ സര്‍ട്ടിഫിക്കറ്റിന്റെ അടിസ്ഥാനത്തിലാകും ഡ്രൈവിങ് ലൈസന്‍സ് നല്‍കുക. കേന്ദ്ര റോഡ് ട്രാന്‍സ്‌പോര്‍ട്ട് ആന്‍ഡ് ഹൈവേ മന്ത്രാലയം പുറത്തിറക്കിയ അപ്ഡേറ്റുകള്‍ പ്രകാരം, പുതിയ നിയമം വാണിജ്യ, വ്യക്തിഗത ഡ്രൈവിങ് ലൈസന്‍സുകള്‍ക്ക് സാധുതയുള്ളതാണ്.
അപേക്ഷിക്കുന്നതിന് ആവശ്യമായ രേഖകള്‍
ഡ്രൈവിങ് ലൈസന്‍സിനായുള്ള അധ്യാപന പാഠ്യപദ്ധതി മന്ത്രാലയം തയ്യാറാക്കിയിട്ടുണ്ട്. തിയറി, പ്രാക്ടിക്കല്‍ എന്നിങ്ങനെ രണ്ടു ഭാഗങ്ങള്‍ പാഠ്യപദ്ധതിയിലുണ്ടാകും. ലൈറ്റ് മോട്ടോര്‍ വെഹിക്കിള്‍ (എല്‍.എം.വി) കോഴ്‌സിന്റെ ദൈര്‍ഘ്യം നാലാഴ്ചയാണ്, ഇത് 29 മണിക്കൂറാണ്. ശേഷിക്കുന്ന മണിക്കൂറുകളില്‍ നിങ്ങള്‍ക്ക് ഒരു തിയറി വിദ്യാഭ്യാസം ലഭിക്കും. പുതിയ രീതിയില്‍ ഡ്രൈവിങ് ലൈസന്‍സിന് അപേക്ഷിക്കാന്‍ ആവശ്യമായ രേഖകളാണ് താഴെ നല്‍കുന്നത്.
- ആധാര്‍ കാര്‍ഡ്
- റേഷന്‍ കാര്‍ഡ്
- ജനന സര്‍ട്ടിഫിക്കറ്റ്
- പാസ്‌പോര്‍ട്ട്
- പാന്‍ കാര്‍ഡ്
- പാസ്‌പോര്‍ട്ട് സൈസ് ഫോട്ടോ
- മെഡിക്കല്‍ സര്‍ട്ടിഫിക്കറ്റുകള്‍ക്കുള്ള ഫോം 1, 1A
പരിശീലന കേന്ദ്രത്തിനായുള്ള മാര്‍ഗനിര്‍ദ്ദേശങ്ങള്‍
- പരിശീലന കേന്ദ്രങ്ങള്‍ക്കായി റോഡ്, ഗതാഗത മന്ത്രാലയം ചില മാര്‍ഗനിര്‍ദ്ദേശങ്ങളും വ്യവസ്ഥകളും പുറത്തിറക്കിയിട്ടുണ്ട്.
- ഇരുചക്ര വാഹനങ്ങള്‍, മുച്ചക്ര വാഹനങ്ങള്‍, ലൈറ്റ് മോട്ടോര്‍ വാഹനങ്ങള്‍ എന്നിവയ്ക്കുള്ള പരിശീലന കേന്ദ്രങ്ങള്‍ക്കായി കുറഞ്ഞത് ഒരേക്കര്‍ സ്ഥലമെങ്കിലും ഉണ്ടായിരിക്കണം.
- ഹെവി പാസഞ്ചര്‍/ ചരക്ക് വാഹനങ്ങള്‍ക്കോ, ട്രെയിലറുകള്‍ക്കോ പരിശീലന കേന്ദ്രത്തിന് സമീപം രണ്ട് ഏക്കര്‍ സ്ഥലം ആവശ്യമാണ്.
- പരിശീലകന്‍ കുറഞ്ഞത് 12-ാം ക്ലാസ് പാസായിരിക്കണം. കൂടാതെ, അയാള്‍/ അവള്‍ക്ക് കുറഞ്ഞത് അഞ്ചു വര്‍ഷത്തെ ഡ്രൈവിങ് അനുഭവം ഉണ്ടായിരിക്കണം.
- ഡ്രൈവിങ് സെന്ററുകളുടെ സിലബസ് രണ്ട് വിഭാഗങ്ങളായി വിഭജിക്കും. തിയറിയും പ്രാക്ടിക്കലും.
- പുതിയ ചട്ടപ്രകാരം പരിശീലന കേന്ദ്രത്തില്‍ ബയോമെട്രിക് സംവിധാനം നിര്‍ബന്ധമാണ്.
- മീഡിയം, ഹെവി വെഹിക്കിള്‍ മോട്ടോര്‍ വാഹനങ്ങള്‍ക്ക് ആറ് ആഴ്ചയില്‍ 38 മണിക്കൂറാണ് കോഴ്‌സിന്റെ ദൈര്‍ഘ്യം, എട്ടു മണിക്കൂര്‍ തിയറി ക്ലാസും ബാക്കി 31 മണിക്കൂര്‍ പ്രാക്ടിക്കലും ഉണ്ടായിരിക്കും.
ഒരു പുതിയ ഡ്രൈവിങ് ലൈസന്‍സ് നേടുന്നതിനുള്ള നടപടിക്രമം
- ആദ്യം റോഡ് ട്രാന്‍സ്‌പോര്‍ട്ട് ആന്‍ഡ് ഹൈവേ മന്ത്രാലയത്തിന്റെ വെബ്‌സൈറ്റ് സന്ദര്‍ശിക്കുക.
- ശേഷം parivahan.gov.in-ന്റെ ഹോം പേജ് സ്‌ക്രീനില്‍ തുറക്കും.
- പുതിയ ഡ്രൈവിങ് ലൈസന്‍സിനായി അപേക്ഷിക്കുന്ന സംസ്ഥാനം തെരഞ്ഞെടുക്കുക.
- ഡ്രൈവിങ് ലൈസന്‍സ് തരം തെരഞ്ഞെടുക്കണം.
- തുടര്‍ന്നു ലഭിക്കുന്ന അപേക്ഷ ഫോം ഓണ്‍ലൈനായി തന്നെ പൂരിപ്പിച്ച്്, ഡോക്യുമെന്റുകള്‍ അപ്ലോഡ് ചെയ്യുക.
- എല്ലാ നടപടിക്രമങ്ങള്‍ക്കും ശേഷം ഡ്രൈവിങ് ലൈസന്‍സ് അനുവദിക്കും.