ഇപിഎഫ്ഒ ഹയർ പെൻഷൻ;അപേക്ഷയിലെ പിഴവുകൾ മാറ്റാൻ അവസരം

എംപ്ലോയീ പ്രോവിഡന്റ് ഫണ്ട് ഓർഗനൈസേഷൻ (ഇപിഎഫ്ഒ) ഉയർന്ന പെൻഷൻ തെരഞ്ഞെടുക്കുന്നതിനുള്ള അപേക്ഷകൾ സമർപ്പിക്കുന്നതിനുള്ള തിയ്യതി നീട്ടി നൽകിയത് ഈ മാസം ആദ്യമാണ്. മെയ് 3 വരെയായിരുന്ന സമയ പരിധി ജൂൺ 26 വരെയാണ് നീട്ടി നൽകിയിരിക്കുന്നത്.

ഉയർന്ന പെൻഷൻ ലഭിക്കുന്നതിനുള്ള അപേക്ഷ സമർപ്പിച്ചതിൽ പിഴവ് സംഭവിച്ചിട്ടുണ്ടെങ്കിൽ അത് തിരുത്താനുള്ള അവസരം കൂടി ഇപ്പോൾ നൽകിയിരിക്കുന്നു. തിരുത്താനുള്ള രണ്ട് ഓപ്ഷനുകൾ ഇപിഎഫ്ഒ ഓൺലൈൻ പ്ലാറ്റ്ഫോമിൽ സജ്ജമാക്കിയിട്ടുണ്ട്. സമർപ്പിച്ച അപേക്ഷ ഡിലീറ്റ് ചെയ്യാനും പുതിയ അപേക്ഷ സമർപ്പിക്കാനുമുള്ള സംവിധാനമാണ് ഇപിഎഫ്ഒ ഒരുക്കിയിട്ടുള്ളത്.


നിലവിൽ സമർപ്പിച്ച അപേക്ഷയിൽ തിരുത്തൽ വരുത്താൻ സാധിക്കില്ല. പകരം ആ അപേക്ഷ ഡിലീറ്റ് ചെയ്ത് പുതിയ അപേക്ഷ സമർപ്പിക്കുകയാണ് ചെയ്യേണ്ടതെന്ന് ഇപിഎഫ്ഒ അറിയിച്ചിട്ടുണ്ട്. നിരവധി കോണുകളിൽ നിന്ന് ഇത്തരം ഒരു ആവശ്യം ഉയർന്നതിനെ തുടർന്നാണ് ഈ സൗകര്യം പോർട്ടലിൽ ഒരുക്കിയിരിക്കുന്നത്. എന്നാൽ ഒരിക്കൽ സമർപ്പിച്ച അപേക്ഷ, ജീവനക്കാർ ജോലി ചെയ്യുന്ന സ്ഥാപനം പരിഗണിച്ചു തുടങ്ങിയാൽ പിന്നെ അത് ഡിലീറ്റ് ചെയ്യാൻ സാധിക്കില്ലെന്നും ഇപിഎഫ്ഒ അറിയിച്ചിട്ടുണ്ട്.

Also Read : ഇപിഎഫ്ഒ ഹയർ പെൻഷൻ;അപേക്ഷയിലെ പിഴവുകൾ മാറ്റാൻ അവസരം
ജോയിന്റ് ഓപ്ഷൻ, ഉയർന്ന പെൻഷൻ എന്നിവയ്ക്കുള്ള അപേക്ഷകൾ ഫീൽഡ് ഓഫീസുകൾ സൂക്ഷ്മ പരിശോധനയ്ക്ക് വിധേയമാക്കുമെന്ന് ഇപിഎഫ്ഒ സർക്കുലറിലൂടെ അറിയിച്ചു. ആവശ്യമെങ്കിൽ തൊഴിലുടമകൾ നൽകുന്ന വിവരങ്ങളും പരിശോധനയ്ക്ക് വിധേയമാക്കും.

ആവശ്യമായ രേഖകൾ
പ്രൊവിഡന്റ് ഫണ്ടിൽ നിന്ന് പെൻഷൻ ഫണ്ടിലേക്ക് ഫണ്ട് ട്രാൻസ്ഫർ അനുവദിക്കുന്നതിനുള്ള കരാർ, നിശ്ചിത വേതന പരിധിയായ 5,000-6,500 രൂപയെക്കാൾ ഉയർന്ന വേതനത്തിൽ പ്രൊവിഡന്റ് ഫണ്ടിലെ തൊഴിലുടമ നൽകുന്ന വിഹിതത്തിന്റെ തെളിവ് എന്നിവയാണ് ഉയർന്ന പെൻഷനു വേണ്ടി സമർപ്പിക്കേണ്ട രേഖകൾ. ഭാവിയിൽ ഇപിഎസിലേക്ക് യഥാർത്ഥ ശമ്പളത്തിന്റെ 8.33% വരെയുള്ള ഉയർന്ന സംഭാവനയ്ക്കായി തൊഴിലുടമ/കമ്പനി, ജീവനക്കാരൻ എന്നിവരുടെ ഡിക്ലറേഷനും, സംയുക്തമായുള്ള ഓപ്ഷൻ ഫോമും നൽകാവുന്നതാണ്.

Also Read : ഓൺലൈൻ പേഴ്സണൽ ലോൺ; തട്ടിപ്പുകൾ തടയാൻ 4 മാർ​ഗങ്ങൾ
ഉയർന്ന പെൻഷന് അർഹതയുള്ളവർ
1) 2014 സെപ്‌റ്റംബർ 1-ന് മുമ്പ് അംഗങ്ങളായിട്ടുള്ളവരോ, ആ തീയതിയിലോ അതിനു ശേഷമോ അംഗങ്ങളായി തുടരുന്നവരുമായ ജീവനക്കാർ.

2) നിശ്ചിത വേതന പരിധി 5,000 അല്ലെങ്കിൽ 6,500 രൂപ

സുപ്രീം കോടതി വിധിയുടെ അടിസ്ഥാനത്തിലാണ് ഇപിഎഫ്ഒയിലൂടെ ഉയർന്ന പെൻഷൻ ലഭ്യമാക്കാനുള്ള ഓപ്ഷൻ ഏർപ്പെടുത്തിയിരിക്കുന്നത്.

Read Latest Business News and Malayalam News