വിമാന യാത്രയ്ക്ക് ഒരുങ്ങുകയാണോ? അറിയാം ഇത്തിഹാദിൻെറ ട്രാവൽ വൗച്ചർ ഓഫറുകൾ

ന്യൂഡൽഹി: എയർലൈൻ യാത്രക്കാർക്കായി പ്രത്യേക ട്രാവൽ വൗച്ചറുകളുമായി ഇത്തിഹാദ് എയർവെയ്സ്. ആഗസ്റ്റ് ഒന്നു മുതൽ രണ്ടു വ‍ര്‍ഷത്തേയ്ക്കാണ് യാത്രക്കാര്‍ക്ക് 50 ശതമാനം ക്യാഷ് ബാക്ക് വാല്യൂ ഓഫര്‍ ചെയ്യുന്ന പുതിയ വൗച്ച‍ര്‍.

ജൂൺ 10-നും 24 നും ഇടയിൽ എപ്പോൾ വേണമെങ്കിലും ഉപഭോക്താക്കൾക്ക് വൗച്ചര്‍ വാങ്ങാനാകും. 50 ശതമാനം അധിക ക്യാഷ് വാല്യൂ ഉള്ള വൗച്ച‍ര്‍ ഉപയോഗിച്ച് രണ്ടു വര്‍ഷത്തിനുള്ളിൽ എപ്പോൾ വേണമെങ്കിലും യാത്ര ചെയ്യാം. 250 ഡോളര്‍ മുതൽ 65,000 ഡോളര്‍ വരെ മൂല്യമുള്ള വൗച്ചറുകൾ ഇത്തിഹാദ് ലഭ്യമാക്കും.

Also Read: എമിറേറ്റ്സ് 600 പൈലറ്റുമാരെ പിരിച്ചു വിടുന്നു; ഗൾഫ് എയറിലും കൂട്ടപ്പിരിച്ചു വിടൽ

ഈ മാസം 10 ന് അബുദാബി വഴി 20 നഗരങ്ങളിലേക്ക് സര്‍വീസ് ആരംഭിയ്ക്കുന്നതായി ഇത്തിഹാദ് എയ‍ര്‍വെയ്സ് പ്രഖ്യാപിച്ചിരുന്നു. കൊറോണ വൈറസ് ബാധയെ തുട‍ർന്ന് ലോകം എമ്പാടുമുള്ള എയര്‍ലൈൻ യാത്രകൾ കുറഞ്ഞത് മൂലം വിമാന കമ്പനികൾക്ക് കടുത്ത നഷ്ടത്തിലായിരുന്നു.

ഇത് കുറയ്ക്കാനാണ് എയ‍ര്‍ലൈൻ യാത്രകൾക്ക് ഓഫറുകളുമായി കമ്പനികൾ എത്തുന്നത്. 2020-ൽ എയര്‍ലൈൻ കമ്പനികൾക്ക് 8400 കോടി ഡോളറിൻറെ നഷ്ടം ഉണ്ടാകുമെന്ന് അയാട്ട കഴിഞ്ഞ ദിവസം വ്യക്തമാക്കിയിരുന്നു.